Read Lashi COUNG" NGHEI 20 Bible Online

COUNG" NGHEI 20 - Lashi bible

COUNG" NGHEI 20

¹David Khoin" da" jikhoin" daloem: Nang kyi" khyeug shoug" nyid da" ayo, moo ASEING gi nang ri tu" byid: baja". Yaku da" Mangsoo gi nang ri lhoug zung" nyid baja".

²Nyang: gi nang ri nya: noku yhoem: moo" mo wigi pang" byid: baja" Ziun boem tho' mo wigi bo pang" bo thug byid: baja:

³Nyang: gi nang byid: da" jhungshug dangain" ri kham: yu lho nang ngei" byid: da" xoin" du: dangain" ri lhoem: ngei kham: yu baja".

⁴Nyang: gi nang vho: khyoo: nang ri byid: lho: nang soin" yeung to" moo" zoo" dangain" ri nyang: oung: doid loo" nhang: baja".

⁵Re" da" oung: doid lo" khyo: shid re" ngoonu" bo shoug" nyho: gau yi lho: ngoonu" da" Mangsoo ri coung" nghei byid: khyo" re" da" oung: doid lo" pui" ri koid wa. ASEING gi re" da" mho' sang: khyoo: dangain" ri tu" byid: baja".

⁶ASEING gi nyang: khyen: yu to" da" khokham ri oung: loo" nhang: bye: ziri akhid" ngoo si' bye:. Nyang: gi nya: da" gyeung" shang: mougkhung: mougdi mo nyang: ri tu" byid: lho: nya: yoem: so' khyo" nyang: ri gyi thang oung: lo" khyoo: byid: bye:.

⁷Byu dayham" gi nyang: nya: da" gyi rheing" joem ri we' myang: joem ri nghoid loug we' loem nyid boem ago". Nghoid loug we ngoonu" gi ngoonu" da" ASEING Mangso yoem: so' ri daloem khau: nyid.

⁸Houg: bang: gi thoem: tho: jhoid leung lo" boem wa nghoid loug we' ngoonu" koem gi to' wigi geung: geung: teung teung yab jo, boem wa nghoid.

⁹O" ASEING we" khokham ri oung: doid loo" nhang: we' o". Ngoonu" yoid mho' uri tu" byid: we' o".