Read Lashi COUNG" NGHEI 21 Bible Online

COUNG" NGHEI 21 - Lashi bible

COUNG" NGHEI 21

¹David Da" Jikhoin" Daloem: ASEING we" nang gi khokham ri yoem: vhoo" byid: yoomo nyang: gi gau yi nyid. nang gi nyang: ri oung: doid loo" nhang: yoomo nyang: gi ngei pyo: nyid.

²Nang gi nyang: myid vho: nyid khyoo: ri byid: bye:. Nang gi nyang: mho' da" khyoo: ri tam" gyoo: byid: bye:.

³Nang gi nya jhang khyoo: gyi: thang mainkaid jeju" yo' re" lho: nang gi nya: vhuloem moo sheing: bidmug ri zhung" byid: bye:.

⁴Nyang: gi kangso' ri mho' yoomo nang gi nyang: ri sheung: da" jang: kham: kangso' jhung" xi" ri byid: bye:.

⁵Re" da" pang" thoug khyoo: yoomo nya: da" myonhoo: phung" yoeb gyi: sheung: jo. Nang gi nyang: ri myeing fu" loo" wa da" yoem: yo' phoug" ge" da" yoeb bang ri byid: too" bye:.

⁶Re" da" mainkaid jeju" gi nyang: moo: khanham we' byeung: abyed dajo, jo, lho: re" shidkhoin" moo: nyang: nyid nyid yoomo ngei pyo: khyoo: byeung" jo.

⁷Khokham gi ASEING ri loem khau: nyid. Myhang: thang su: da" geung: teung jhed khyeing: kang: khyeing: yoomo nyang: gi khanham we' shoug" gau: nyu: nyid.

⁸Khokham gi nya: gyivoo dangain" ri myheug tei" loo wa. Nyang: gi nyang: ri ngheing" mo yugkhang" moo" ri we' myheug tei" loo wa zi nghoid.

⁹Nyang: thu lo uri myiyham: wigi mhe: kyoug pyam yhang: ti" nyangnu" ri mhoin pyam loo wa. ASEING gi nheug khoo" yo: ziyo' nyangnu" ri myhau: pyam, lho: myi: gi nyangnu" ri nge" joem: pyam loo wa nghoid.

¹⁰Khokham gi nyangnu" da" nya: myid: nya: zoo: yi dangain" ri shid: joem: byo, yoin" loo" nhang: wa nyangnu" gi byukung: ayo" doem xo' boem loo: wa.

¹¹Nyangnu" gi nyang: ri zain: wa shid re" nyheung soin lho: akhyoo" shoo nghoid loug we' nyangnu" gi oung: loo" wa zi anghoid.

¹²Nyang: gi nya: myookhaid joem ri beug kaid wigi Nyangnu" ri phang: tau" loo" nhang: wa.

¹³O" ASEING we" re" da" yoem: moo" yoomo nang ri ngoonu" coung" byid: nyid. Ngoonu" gi re" da" yoem: so' ri coung" nghei lid jhoem" yang" nyid boem wa.