Read Lashi COUNG" NGHEI 24 Bible Online

COUNG" NGHEI 24 - Lashi bible

COUNG" NGHEI 24

¹ASEING gi yang zung" su: ti" ngoo ri lhoug zung" nyid. Houg: yoomo ngoo ca" nyid da" zi dangain" ngoo yo.

²Nyang: gi mougmyid yoosoo" ri myid jang: gyid no, da" joyoo moo ayang: zhoug to" lho: no, thang nammugdara da" athi" moo: apoem: qei" wigi zhoug to" zi nghoid.

³ASEING da" boem tho' khyoo: kha: yug do' loo" moin: yi" wa lha". Nya: da" gyeung" shang: Noku Yhoem: Moo" khyoo: kha: yug yo" vang loo" wa lha".

⁴Asam" aved ge lho: nheigloem: phyu: wigi soolhoo: joem ri ano" ziyo' ajo da" dangsoo" abyid: su: yo" loo" wa zi nghoid.

⁵ASEING gi nyangnu" ri mainkaid byid: lho: khyoid yu wa zi nghoid. Houg: bang: gi yooboo adab, bang: nghoid ziri Mangsoo gi tid fu" byid: wa zi nghoid.

⁶Houg: yhang: te" mo, koem gi Mangso jhang khyoo: tain" tab yhi: mo Yaku da" Mang" so shidkhoin" khyoo: re" loo mo, nghoid.

⁷Voogung khoem" moo" duang: ri lam: sho' phang kaid we'. Goonham mo khoem" duang: xoug" joem ri: lam: sho' phang kaid we'. Houg: lang" gyi: thang da" khokham zeing vang loo wa zi nghoid.

⁸Mau" pho" gyi: thang da" khokham zeing gi hang" su: nghoid lha". Nyang: gi gyi: thang yoem: moo" bo da" ASEING yo' gyipui" moo: oung: doid lo" da" ASEING-

⁹Voogung khoem" moo" duang: ri lam: sho' phang kaid we'. Goonham mo khoem" duang xoug" joem ri lam: sho phang kaid we'. Houg: lang" gyi: thang da" khokham zeing vang loo wa zi nghoid.

¹⁰Hau: gyi: thang da" khokham zeing gi hang" su: nghoid lha". Oung: doid lo" da" ASEING nyang: gi gyi: thang da" khokham zeing nghoid nyid.