Read Lashi COUNG" NGHEI 26 Bible Online

COUNG" NGHEI 26 - Lashi bible

COUNG" NGHEI 26

¹ASEING we"- ngoo gi jo da" khyoo: ri koid lho: ASEING ri bain" bain loem khoug: su: nghoid yoomo ngoo ri ce" yooboo we' adab, su: nghoid ein: tid fu" byid: nyid we'.

²ASEING we"- ngoo ri ca: yu" we' kyeung yu" we' nga" ung: khoug: mo vho: ngei khyoo: yo' myid soin: khyoo: ri dang: phyed byid: we'.

³Re" da" geung: teung jhed khyeing: kang: khyeing: gi ngoo ri khyoo: shed byid: nyid. Re" da" nheigloem: zung" khyoo: gi ngoo ri vhu" shi: byid: nyid.

⁴Ngoo gi ce: phoug" adab, da" byu yi yo' azoem"- deingmain" goin' koid mo, yo" we' ngoo khanham azoem.

⁵Akhyeing" ashoeb mo, da" zoem" khau: khyoo: ri ngoo ngheung" lho: nheigloem: guid" mo, ri ngoo jang" pyam nyid.

⁶ASEING we" ngoo gi ce" yooboo adab, khyoo: ri toin" shed wa shid re" Ngoo gi ngoo: nya: lo, ri ced" pyam lho: re" da" xoin" ngei" phoin: loem: lheing khab, moo: lo coung" nghei.

⁷Ngoo gi jeju" boin: coung" nghei byid: da- jikhoin" ri khoin" wigi re" da" mau" pho" moo" zoo" joem dangain" ri tid kyoo" bye:.

⁸O" ASEING we" re" phung" yoeb jo, da" yhoem: nang nyid da" yhoem: ri ngoo jheddab nyid.

⁹Yooboo yoo" mo, yo' dage ngoo ri amhoin pyam nyid. Byu said mo, da" yooboo dam ri ngoo moo: abo kham' zoo: nhang:.

¹⁰Houg: bang: gi age da" khyoo: ri khanham we' dakoid nyid boem wigi khougvhoid jhungshug yu zoo: wa shid re" khanham we' jen" jen" dalang" nyid boem mo, nghoid.

¹¹Ngoo koem gi jo ziri koid nyid yoomo ngoo ri nheug khyeug ziyo' khyoid yu shi" we'.

¹²Ngoo gi gyoug dain khyoo: dangain" jang" mo gau: nyu: nyid. Nya: byumyu" yi da" mo, phung: gung moo ngoo ASEING ri coung" nghei nyid.