Read Lashi COUNG" NGHEI 28 Bible Online

COUNG" NGHEI 28 - Lashi bible

COUNG" NGHEI 28

¹Ngoo ri: goem coung: nyid da" ASEING nang ri ngoo mho' yoid nyid. Nga" ngoug thui: ri tam" gyoo: byid: we'. Nang atu" byid: rigi moovo moug: khyoo: gyoo" loo" mo, yo' dage" nyid nyid wa zi nghoid.

²ASEING da" gyeung" shang: Noku Yhoem: Moo" khyoo: nga" lo, voo: tu: ci: lho: pang" thoug byid: wa shid re" ngoo mho' yoid uri tam" gyoo: byid: shi" we'.

³Age khyoo: koid da" byugang: yi yo' dage- ngoo ri yooboo dam akaid byid. Houg: bang: gi nhoid young" boem nghoid loug we' ngheung" da" nheigloem: boo mo, nghoid boem ago".

⁴Houg: bang: zei: da" moo" yo' zei: shoid da" yooboo shid re" nyangnu" ri yooboo dam kaid byid: we'. Nyangnu" da" moo" zoo" yo' dakhyoo" ti" yooboo dam kaid byid: we' nyangnu" da" yooboo yo' moin: yi da" dam ri kaid byid: we'.

⁵Houg: bang: gi ASEING koid da" moo" zoo" joem ri we' nyang: phain" so: to" da" ziyoo joem ri we' cishu: anhang: boem nghoid ago". Hougsu" koid boem yoomo nyang: gi nyangnu" ri yooboo dam kaid lho: apyaid atoo: moo: byo, yoin" joem: loo" nhang: wa zi nghoid.

⁶Apyaid atoo mo ASEING ri coung" nghei nyid ge'- nyang: gi pang" yu wa shid re" nga" ngoug thui: ri tam" gyoo: byid: bye:.

⁷ASEING gi ngoo ri goem coung: lhoug zung" byid: lho: gyivoo joem ri ve, pyam byid:. Ngoo gi nyang: moo: loem khau: nyid- nyang: gi ngoo ri pang" thoug byid: wigi ngoo ri gau, yi ngei pyoo: nhang:. Ngoo gi nyang: ri coung" nghei nyid.

⁸ASEING gi nya: da" byuphung: yiri lhoug zung" goem coung: nyid. Nyang: khyen: yu da" khokham ri nyang: gi lhoug zung" wigi khyoid khyi: yu nyid.

⁹ASEING we" re" byu phung: yiri khyoid yu lho: nang seung: ci: mo, ri mainkaid jeju" byid: we'. Nyangnu" ri yang lhoug su: yhang: ti" pyaid didu moo: yu" lhoug zung" byid: nyid we'.