Read Lashi COUNG" NGHEI 29 Bible Online

COUNG" NGHEI 29 - Lashi bible

COUNG" NGHEI 29

¹Mougkhung: moo: dei nyid mo, we' ASEING ri coung" nghei nyid we'. Nya: da" myonhoo: phung" yoeb yo' yoem: so ri coung" nghei nyid we'.

²Myonhoo: phung" yoeb yo' byeung" joeb, da" ASEING myeing khyang" ri coung" nghei we'. Gyeung" shang: su: nyang: thu myhang lo da" uri nya: shidkhoin" moo: goeb pid nyid we'.

³ASEING da" thui: moo" gi panglai: gyid thoem" mo myeung thu lo. myonhoo: phung" yoeb yo' byeung" da" Mangso thui: gi moug: goin' thui: yo' du lho: nya: da" thui: gi nammugdara tho' moo lang: thang: dajha" tu" to".

⁴ASEING da" thui: gi damyeung thu lo nyid. Hau: da" thui: gi yoem: moo" so' moo" yo' byeung" ziri shoug" gyo.

⁵ASEING da" thui: yoomo shamu gam joem gyau: moin" lo. Lebanon boem mo shug gam joem lang" bo gyau: moin" lo.

⁶Nyang: gi Lebanon boem joem ri nujung nu" yhang: ti" peug byam, yen" nhang: lho: Hermon boem ri we' nujung" bam: zoo: yhang: ti" thu' byam, yen" nhang:.

⁷ASEING da" thui: gi lhab' myeug da" abang ri bang nhang: nyid.

⁸Nya: da" thui: gi dain' pyoid yoo ri nain" nyid nhang:- nyang: gi Kedesha dain" pyoid yoo ri nain" nhang: nyid.

⁹«ASEING gi myonhoo: phung" yoeb bo jo, baja" o"» ga: nya: Noku Yhoem: Moo" khoug: moo byu yugkhang" moo" gi coung" nghei nyid da" uri ASEING da" thui: gi shookhi" gam joem ri nain" nyid nhang: lho: seiggam joem mo seig fu' joem ri yu, gyo" loo" nhang: pyam.

¹⁰ASEING gi no, thang panglai: gyid thoem" ri vhoebkhang" nyid. Nyang: gi apyaid atoo: mo khokham yhang: ti" vhoebkhang" nyid.

¹¹ASEING gi nya: byuphung: yiri geung" teing nhang: to" lho: Nyangnu" ri myenjham" ngei pyo: ziyo' mainkaid byid: nyid.