Read Lashi COUNG" NGHEI 30 Bible Online

COUNG" NGHEI 30 - Lashi bible

COUNG" NGHEI 30

¹Ngoo ASEING ri coung" nghei nyid khasu" wim ga: ri nang ngoo ri khyoid yu lho: nga" gyivoo joem ngoo ri ung: wa khyoo: aphang byid.

²Nga" ASEING Mangsoo we' pang" thoug byid: wa shid re" nang ri mho' yoid nyid yoomo nang gi ngoo ri nga" noodam' mo ge loo nhang: bye:.

³nang ngoo ri loeb duang: khoug: mo nyang: khyoid yu bye:. Ngoo gi loeb duang: khoug: khyoo: l vang loo" bye:- nghoid loug we' ASEING gi ngoo ri ashid: nhang: loo: za: kangso' doem xo' byid.

⁴ASEING nya: da" nheigloem: zung" byu yi dangain" mo ASEING ri coung" nghei jikhoin" khoin" nyid we'. Gyeung" shang: su: koid bye: da" moo" zoo" ri myid boin: so" lho: nya: jeju" ri boin: soo" byid: nyid we'.

⁵Nya: nheug yo: khyoo: gi daso' kyeing- nya: ge da" khyoo: gi dapyaid goin" moo: dajo, jo. Myen" ayo, moo: ngoug byid gyo" nyid nghoid loug we' nab soin: ayo, moo: gi gau yi ngei pyo: khyoo: ju" lo.

⁶Ngoo gi gau: nyu: khyoo: ri kham' zo: lho: ngoonya: gung ri ngoonyang: «ngoo khanham we' soem" joem: loo" wa zi anghoid» ein: tid.

⁷ASEING we" nang gi nga" tho' moo gye" ge nyid. Boem tho' mo gyidab, yhang: ti" ngoo ri lhoug zung" byid: nyid. Nghoid loug we' nang nga" jang" mo myonhoo: goo" khyoo: lheung: loo" lang" gi ngoo gyoug dain' zi shoug" nyid.

⁸ASEING we" ngoo gi nang ri mho' yoid nyid re" da" pang" thoug khyoo: ri ngoo mho' nyid.

⁹«Ngoo shid: lo" jang" mo nang ce: noem yoo" wa lha". loeb duang: khoug: moo ngoo vang loo" yoomo ce noem akyu" boo wa lha". Sushid: joem gi nang ri yo" coung" nghei goo" wa la". Nyangnu" gi re" da" yoem: bo- ge khyoo: ri yo" tid fu" byid: goo" wa la".

¹⁰ASEING we" ngoo ri nheug khyeug shoo" myen: lho: gyoo: byid: we'. ASEING we" ngoo ri pang" yu we'.»

¹¹Nang gi nga" da" sho" jhen: koug shu: khyoo: ri yu pyam byid: lho: ngei pyo: gau yi ziyo' lheung khoem too" nhang: bye:.

¹²Hougsu" nghoid yoomo ngoo gi: sam" zoo: tam" too" lo: wa zi anghoid. Nang ri coung" nghei jikhoin" khoin" nyid wam: bye:. ASEING we" nang gi nga" Mangsoo nghoid- ngoo gi nang ri apyaid atoo: moo jeju" daboin: so" nyid wa,