Read Lashi COUNG" NGHEI 32 Bible Online

COUNG" NGHEI 32 - Lashi bible

COUNG" NGHEI 32

¹Nyang: nya: da" yooboo mo lhoid pyoin kaid zi shoug" lho: shoid vhang: jang" mo loid byoin zi shoug mo, gi ngilho' nyid.

²Age da" moo" ri: zei: nyid su: ga: ASEING wigi yooboo foin: zi ashoug" loo: za: mhau, fain" khyoo: ci" we' aboo su: gi ngilho' nyid.

³Ngoo gi nga" yooboo ri ayhen: yu loo: za: nyid uri ngoo gi nyid" goin" ngau wigi myung: dau, yoem: nu: zi shoug" nyid bye:.

⁴ASEING we"- nang gi ngoo ri nyid" ri myen" ri yooboo dam kaid nyid. Zain' vang khoem" mo bid so, gi ngei" ri lhab' kyoug pyam yhang: ti" nga" yoem: so' we' bain sho' kyoug kain" loo" bye:.

⁵Houg: yoomo ngoo gi ngoo nya: yooboo joem ri re" jang" moo: yhen: yu lho: ngoo shoid vhang: khyoo: joem ri azau" too" loo. Hau: shoid vhang: yooboo joem ri re" jang" moo: yhen: yu wa shid re" ngoo myid phyed pyam bye:. Houg: yoomo nang gi nga" yooboo joem dangain" ri khyoid pyam byid: we'.

⁶Hougsu" nghoid yoomo re" da" dang: zung" bang: dangain" gi pang" thoug yu wa zi ca" nyid da" ayo, moo re" jang" moo: akyu" mho' ca". Yau: khe" khyoo: gi gye" thain: da" gyid ji: zoo" ti" tain" loo nghoid loug we' nyangnu" jang" moo: yo" ju" wa zi anghoid.

⁷Nang gi nga" khoug: loo lug ug- nang ngoo ri yau: khe" khyoo: mo khyoid yu loo wa zi nghoid. Nang gi ngoo ri lhoug zung" goin coung: byid: yoomo ngoo gi re" da" khyoid yu khyoo: ri thui: moo" yo' coung" nghei jikhoin" khoin" nyid wa zi nghoid.

⁸ASEING tid zigi ngoo gi nang so" loo" ca" da" khyoo: ri jhau" byid: wa. «Ngoo gi nang ri phajhi" byid: lho: khyoo: toin" shed wa.

⁹Tid zi gyoo: sho' nhoid moo: nhoid kho' kho' lho: nhooshu tei' tab, ca" da- myang: ri yhang: ti" loo zei: ri yhang: ti" nheug agyeing: loo: akoid» ga: tid.

¹⁰Akhyeing" ashoeb mo, gi- myid myoo: ung: loug khyoo: shoug" lo boem wa. Nghoid loug we' ASEING ri loem khoug: mo, gi nya: da" geung: teung jhed khyeing: kang: khyeing: wigi coung: goem byid: zi shau" boem wa zi nghoid.

¹¹Deing: byeung" mo, we' ASEING koid bye: da" moo" zoo" yoomo goug ge'- ngei pyoo: ge'- nya: dang: ri tam" gyo: nyid mo, we' gau, yi ziyo' yoid phau: nyid we'.