Read Lashi COUNG" NGHEI 36 Bible Online

COUNG" NGHEI 36 - Lashi bible

COUNG" NGHEI 36

¹[3] Yooboo gi akhyeing" su: da" no, thang nheigloem: khoug: moo dang: tid nyid. Nyang: gi Mangsoo ri ngeug pyam wigi nyang: moo: Mangsoo ri: phau" gyoug khyoo: ci: we' aboo.

²Khasu" wim gari nyang: gi nya: gung ri gye" nghoid yoo, so" nyid. Mangsoo gi nya: yooboo ri myang wa zi anghoid- yooboo dam we' kaid wa zi anghoid ga: nyang: jho: nyid.

³Nya: da" tid sang: dang: gi akhyeing" ashoeb ziyo' mhau, fain" dang: yo' byeung" jo. Nyang: gi phajhi" bo khyoo: yo' ge lho, khyoo: ri dajhi' we' akoid yu.

⁴Nyang: gi nya: da" yhoeb yoo moo: leung jo, shi" mo akhyeung" da" moo" ri dasoin: yu" nyid. Nyang: koid da" moo" gi ge zi ci" we' aboo. Hau: lho: akhyeung" da" khyoo: ri nyang: khanham we' angeug pyam yu.

⁵ASEING we" re" da" geung: teung jhed khyeing: kang: khyeing: gi mougkhung: mougdi ju" sho' myhi: jo, wigi re" nheigloem: zung" khyoo: gi mougkhung: ju" sho' ce" je: lo.

⁶Re" da" deingmain" khyoo: gi boem lang joem yhang: ti" myhang: jo, wigi re" da" nyeung veung" khyoo: gi panglai: gyid thi" yhi' no, jo. Xangsu: byu yi yo' gougnyhoug goug: doo: joem gi re" da" lo, khoug: moo: bo jo.

⁷Mangsoo we"- re" da" geung: teung jhed khyeing: kang: khyeing: gi khayhi' gyeing" phoug" dab, jo, lha" Re" da" dung soo" yoeb khoug: moo khau: nghi: joyoo ngoonu" yo" nyid boem.

⁸Nang byid: da" agoin' ayu: zoo: noem mo ngoonu" shoug" zo: boem. Re" da" reung: thang jeju" gyid lang mo nang ngoonu" ri shug nhang: bye:.

⁹Nang ri gi kangso' dangain" da- ajhung: nyang: nghoid bye: Re" bidbang yoomo ngoonu" bidbang ri shau" myang boem bye:.

¹⁰Nang ri si' bang: ri khanham we' jheddab nyid we'. deing: byeung" bang: ri khanham we' ge da" moo" zei: byid: we'.

¹¹Nghoid boin: phau: khaung nyid da" byu yi ngoo ri azain: loo nhang:. akhyeing" ashoeb bang: we' ngoo ri azain: thu' pyam nhang:.

¹²Yu" ge'- akhyeing" ashoeb koid bang: khayoo: leung yoin" to". Hougsu" leung jo, da" joyoo mo nyangnu" gi ayo" doem too loo.