Read Lashi COUNG" NGHEI 39 Bible Online

COUNG" NGHEI 39 - Lashi bible

COUNG" NGHEI 39

¹[5] «Ngoo zei: da" moo" zoo" moo lhed zed" zoore nyid wa nghoid. Nga" yhoo: yo' ngoo yooboo ri: akoid nhang: wa akhyeung" byu yi jhang lo" nyid ri ngoo ciwe' tid kyoo" wa zi anghoid» ein: wigi ngoo tid bye:.

²Ge lho, da" khyoo: rilang" dang: dakhoin" we' atid loo za: ngoo sam" zoo: datam" to". Nghoid loug we' nga" phu" zo: khyoo: gi daje myo: yau: lo.

³Myid myoo: ung: loug khyoo: gi ngoo ri zeung" lhoung pyam bye:. Ngoo je" myid yu" lang" je yau: khe” khyoo: gi daje myo: lo nyid.

⁴«ASEING we" ngoo gi khamyhang ju" sho' dei nyid wa lha". Ngoo gi khanham shid: loo" wa lha". Nga" kangso' khanham thang loo" wa ngoo ri tid kyoo" we' o".»

⁵Nang byid: to" da" nga" kang: so' gi khayhi' leung" jo lha". Re" da" shid moo: nga" da" kangso' apyaid gi ci" we' anghoid. Gyeing" nyang: dadei nyid da" byu yugkhang" moo" gi so' she: nyid da" lid yo'

⁶yoeb, byoo daloem: tho' moo: lang" je nyid zi anghoid. Nyang: zei: da" moo" zoo" dangain" we' akoem: shid re" za: nghoid nyid wigi nyang: gi jonu" ri young: too" nghoid loug we' hau: ziri hang" shoug" seing: wa zigi nyang: asi.

⁷ASEING we" ngoo gi khate" ziri nheug ge byu nyid wa lha". Nga" nheug byu joyoo gi nang moo: za: danghoid nyid.

⁸Nga" yooboo dangain" jang" mo ngoo ri khyoid yu lho: koo" mo, wigi ngoo ri ajuang" ayi pyam nhang:.

⁹Nang gi ngoo ri hid: yhang: te" da- phu" zo: khyoo: shoug" nhang: su: gi nang nghoid nyid yoomo ngoo dang: dakhoin" we' atid- sam" zoo: tam" too" wa.

¹⁰Ngoo ri: ashen" yhen nyid nang baid yoomo ngoo shid: lo" nyid bye:.

¹¹Re" da" jhau" mho' khyoo: khyo" wigi byu da" yooboo ri nang shen" yhen nyid. Hau: lho: nang jheddab da" zi joem ri nhau zo: shoin, pyam yhang: ti" nang phyo' shoin pyam, nyid. Gyeing" nyang: byu dayug gi so, thid she: da" lid daloem mo je nyid zi anghoid.

¹²ASEING we" nga" da" akyu" mho' khyoo: ri tam" gyoo: byid: we'. Ngoo nyho: mho' yoid thui: ri shoug" gyoo: byid: we'. Ngoo ngougmyeing" shu: thui: to" nyid ri ngoo ri re" pang" yu we'. Nga" phoug" phyid" yi dangain" bang: yhang: ti" ngoo gi re" da" daso, kyeung" da" being" voo za: date: nghoid.

¹³Ngoo ashid: loo" shi" ri goug goug yi yi shoug" nyid wa shid re" nga" jang" mo vi" vi: moo: nyid we'.