Read Lashi COUNG" NGHEI 43 Bible Online

COUNG" NGHEI 43 - Lashi bible

COUNG" NGHEI 43

¹[9] Mangsoo we"- ngoo ri yooboo adab, su: nghoid ein: tid fu" byid: lho: Mangsoo aboo mo, jang" mo nga" sei: ri: goem loem byid: we'- mhau, fain" voo mo, yo' akhyeing" ashoeb da" byu yi lo, mo ngoo ri khyoid khyu: yu byid: we'.

²Nang gi nga" goem loem byid: nyid su: nghoid. Nang gi ngoo ri ciyoomo she: pyam to" lha" Ngoo ri: nga" gyivoo joem da- athoug" akhyoug: koid nyid jang" mo ngoo ri cikoid wigi xo' phu" zoo: ca" wa la".

³Re" bidbang yo' re" da" deingmain" khyoo: byid: kaid we'. Hau: zigi ngoo ri shu" vhu" she: lo" lho: re" da" gyeung" shang: Ziun boem yo' nang nyid da" re" yhoem: moo" khyoo: shu" loo" we'.

⁴Houg: lang" gi Mangsoo we"- re" da" phoin: khyoo: ngoo yo" yhe: loo" wa zi nghoid. Nang gi nga" ngei pyo: khyo: da" jhung: shoem: nghoid nyid. Mangsoo we"- nga" Mangsoo we"- nga" teung ri baid lho: ngoo nang ri coung" nghei jikhoin" khoin" nyid wa zi nghoid.

⁵Ngoo gi ci yoomo hid: yhi' kougshu: nyid lha". Ngoo gi ci: yoomo hid: yhi' kyi" khyeug nyid lha". Ngoo gi Mangsoo moo: myid byu nyid lho: nga" khyoid yu ASEING yo' nga" Mangsoo ri ngoo dalheung: doem coung" nghei wa.