Read Lashi COUNG" NGHEI 46 Bible Online

COUNG" NGHEI 46 - Lashi bible

COUNG" NGHEI 46

¹[12] Mangsoo gi ngoonu" da" nghe: khoug: joyoo yo' yoem: vhoo" nghoid nyid. Kyi" khyeug nyid da" ayo, moo pang" thoug yu wa shid re" kha: u" we' jen" nyid gu nghoid.

²Houg: yoomo mougmyid gi nain" lo- boem lang joem gi nammugdara thi" khyoo: noeb gyoo" lo" rilang" gi ngoonu" gi gyoug dain zi shoug" wa anghoid.

³Panglai: gyid yi dei, ga: myeung to' lo ziyo' being: mhoid joem vung ga: to' loo yoomo bouggung joem gi danain" nyid loo: nghoid loug we' ngoonu" gyoug wa zi anghoid.

⁴Hau: joyoo moo Mangso voomoo" yo' myhang: thang su da" gyeung" shang: yoem: moo" khyoo: yo' ngei pyo: khyoo: ri ci: lo da" gyid moo" dalang yau nyid.

⁵Mangsoo gi hau: voo moo nyid wigi hau: voogung gi khanham we' lhu: phyo' pyam zi shoug" wa anghoid. Nab kyoo: no' re- hau: voogung ri nyang: pang" thoug yu wa shid re" thu' re" loo wa.

⁶Byumyu" yigi gyoug dain' nyid boem abye:. Mungdain: joem gi lei: nyid bye:. Mangsoo gi moug goem: goem: kaid lho: moug: gyab, goin" gi yau, yu: loo" bye:.

⁷Gyi: myhang: da" ASEING gi ngoonu" yo' dage" nyid nyid. Yaku da" Mangsoo gi ngoonu" da" phang: khoug: jang: lug ug nghoid.

⁸Ri" ge'- ASEING koid to" moo" zoo" ri yu" yu" we'. Mougmyid tho' moo: nyang: koid too" bye: mau" pho" moo" ri yu" yu" ge'.

⁹Nyang: gi mougmyid tho' mo gyipui" dangain" ziri no: loo" nhang: lho: lid: joem ri khyau" pyam, wigi lham: toid joem ri we' adu atoem' koid pyam wigi gyi goo, joem ri myi: yo' nghe' pyam bye:.

¹⁰Nyang: tid zigi Meing: zain: go" khyoo: ri no: pyam ge'. Ngoo gi Mangsoo nghoid- ngoo gi byumyu" yi da" mo, phung: gung moo: we' mougmyid pyaid goin" da" atho' moo: we' myhang: thang su: nghoid ziri si' we'.

¹¹Gyi: myhang: da" ASEING gi ngoonu" yo' dage" nyid. Yaku da" Mangsoo gi ngoonu" da" khoug: loo joyoo nghoid.