Read Lashi COUNG" NGHEI 47 Bible Online

COUNG" NGHEI 47 - Lashi bible

COUNG" NGHEI 47

¹[13] Byumyu" bain sho' bang: we' gau, yi ziyo' lo, baid baid nyid we'.

²Myhang: thang da" ASEING gi gyoug pho" su: nghoid- nyang: gi mougmyid gyab, dangain" ziri vhoeb ci: da" gyi: thang khokham zeing nghoid.

³Nyang: gi nyhang" ri mung" byu yi da" tho' moo oung: doid lo" khyoo: ri phang byid: lho: nyang: gi ngoonu" ri byumyu" yi da" atho' moo vhoebkhang" nhang: nyid bye:.

⁴ASEING gi ngoonu" nghe: khau: nyid da" mungdain: ri ngoonu" shid re khyen: byid: lho: hau: mungdain: gi nyang: jheddab da" nya: byumyu" yiri myonhoo: sho: phau: khuang ge da jonu" nghoid.

⁵Mangsoo gi nya: zhungtang khyoo: do, loo" bye:- hau" ASEING do, lo" uri gau yi nyho: phau: ziyo' laboo" moid da" thui: ri houg: moo shau" gyo: nyid.

⁶Mangsoo ri jikhoin" lho: coung" nghei nyid we'. Ngoonu" da" khokham phoo ri jikhoin" yo' coung" byid: we'.

⁷Mangsoo gi moug: gyab, dangain" ri vhoeb da" khokham nghoid wigi jikhoin" dang: joem yo' nyang: ri coung" nghei nyid we'.

⁸Mangsoo gi nya: da" gyeung" shang:- zhungtang tho' moo: zhoung: jo, wigi byumyu" yi bain sho ri nyang: vhoebkhang" nyid bye:.

⁹Byumyu" yi bain sho' mo, da" zoug: ludaid yigi Abraham da" Mangso byumyu" yi yo' dage- phoung: foem: nyid boem. Gyizoo: joem dangain" tho' moo yoem: vhoo" nyang: je bo nyid zi nghoid wigi nyang: gi je" myhang: thang khyo" vhoebkhang" nyid su: nghoid bye:.