Read Lashi COUNG" NGHEI 48 Bible Online

COUNG" NGHEI 48 - Lashi bible

COUNG" NGHEI 48

¹[14] ASEING gi gyi: sheung:- myhang: thang su: nghoid khyoo: ri: nya: gyeung" shang: da" boem tho' moo: jo, da- ngoonu" Mangso da" voogung moo coung" nghei nyid ge'.

²Mangso da" boem ein: da" Ziun gi myhang: ziyo' younglho' nyid. Reung: thang da" khokham pho, voogung gi moug: gyab, dangain" ri gau yi ngei pyoo: nhang: nyid.

³Hau: voogung da" gyidab, khoug: moo nyang: yo dage" gau: nyu: myenjham" nyid ziri Mangsoo nyang: toin" shed abye:.

⁴Ziun boem ri re" zain: wa shid re" khokham yi dage" zeung: foem nyid abye: go.

⁵Nghoid loug we' nyangnu" gi hau: boem ri yhe: myang lang" Nyangnu" yu" mau" pyam, wigi gyoug dain' ziyo' doem phang lo" ago".

⁶Nyangnu" gi hau: khyi moo zookhu: wa soin wigi zookhu: noo no nyid da" myiyi: myhi' yhang: ti" atho' tid lo: da" uglid zoo" moo mhoo: khyoo: foo: khyoo: she: thoung" kam" yen" da- sangphoo lhid yo' dakhyoo" ti" gyoug nain" ziyo' yau: khe" kyi" khyeug zi thoung" shoug" nyid ago".

⁸Mangsoo khasu" koid shoug da" moo" zoo" ri nyangnu" shoug" gyoo: bye: ziyo' dakhyoo" ti" gyi: myhang: da" ASEING ngoonu" da" Mangso voogung moo hau: khyoo: ri ngoonu" akhid" shau" myang nyid boem bye:. Nyang: gi hau" voogung ri apyaid atoo: moo gau: nyu: geung: teing nhang: nyid wa zi nghoid.

⁹Mangsoo we"- re" da" Noku Yhoem: Moo" khoug: moo re" da" geung: teung jhed khyeing: kang: khyeing: ri ngoonu" myid boin: nyid boem.

¹⁰Nang gi joyoo khang" moo" mo byu yi bain sho bang: coung" nghei byid: zi shau" nyid. Re" da" myeing khyang" gi moug: gyab, goin" fu" nhoin: to" ziyo' nang gi nyeung veung" da" tarha" yo' vhoebkhang" nyid.

¹¹Ziun da" byumyu" yi gau yi ngei pyo: nyid goo" baja" jo da" dang: phyed khyoo: ri nang byid: nyid wigi Yuda meing: mo voogung joem moo gau yi ngei pyo: khyoo: gi dajo, jo, baja" o".

¹²Mangso byumyu" yi we' Ziun boem ri so" lheung lo" ziyo' houg: mo gyipyu, zung ri nghab yu" we'.

¹³Thang: phyang" pyaid mo byu yiri doem yo" tid kyoo" wa shid re" voogung vang khyam: joem ri xoem" to" wigi gyidab, joem ri myid yu" soin: yu" nyid we'.

¹⁴He: Mangsoo gi pyaid didu mo ngoonu" da" Mangsoo nghoid. Nyang: gi ngoonu" ri ju" loo wa da" kangso' dei khyoo: dangain" moo khyoo: shed vhu" shu" she: loo" wa zi nghoid ga: wigi thang: phyang" pyaid mo byu yiri yo" tid kyo" boem wa.