Read Lashi COUNG" NGHEI 49 Bible Online

COUNG" NGHEI 49 - Lashi bible

COUNG" NGHEI 49

¹Byu yugkhang" moo he: dang: ri tam" gyo: yu" ge'- joyoo khyi khang" moo" mo bang: tam" gyoo: we'.

²Gyi: sheung: nyid mo, yo' ngi mo,- yoo" zoo: yoo" shug bang: yo' myoung shoo" bang: aga:- dangain" mo, tam" gyoo: ge'.

³Nga" da" myid soin' khyoo: gi gyeung" shang: zi nghoid wigi phajhi" dang: ri ngoo tid kyoo" loo: wa zi nghoid.

⁴Ngoo gi phajhi" dang: moo nheigloem: kaid to" lho: hau: da" dang: joem ri teing baid thui: yo' phoid: sho' kyoo" wa nghoid.

⁵nyangnu" da" jonu" joem moo: nghe: khau: nyid wigi gyoug pho" shid: gyoin' thoung: shau" nyid uri ngoo agyug dakhyo" ein: rigi ngoo gi gyivoo joem wigi lheung lheung khoem too" shoug" nyid da" khyoo:

⁶Nyangnu" da" myo: lug jonu" ziyoo moo nghoid boin: phau: khuang nyid lho: nyid gi nyid de, khyoo: moo: khau: nghe: nyid da- akhyeing" ashoeb byu yi wigi lheung khoem to" zi shoug" nghoid loug we' gyoug ci wa khyoo: ci: aboo.

⁷Byu dayug gi nyang: nya: gung ri nyang:- khanham we' yo" khyoid yu wa zi anghoid. Nyang: gi Mangsoo ri nya: xang: gyoug: yo" khyoug" wa zi anghoid.

⁸Khasu" wim gari byu xangsu: yi da" xang: gyoug: gi soung myo: jo. Nyang: ri loeb duang: khoug: moo: avang loo" sho' nyang: ri pyaid moo: too: moo: ju" sho' dei nyid nhang: wa shid re" nyang: byid: eung: da" aphoug" gi tho' byid: wa zi anghoid.

¹⁰Adu: adam: mo, yo' koo" mo, wim: yhang: ti" phajhi" si' mo, lang" gi shid: ca" zi hang" we' se. Nyangnu" dangain" bang: gi nyangnu" da" jonu" ri nyangnu" da" amyed ashen yi shid mo teung too" kho' boem.

¹¹Nyangnu" da" mungdain: ri dalheung: seung: yu" boem bye: nghoid loug we' nyangnu" da" loeb duang: khuang" joem gi nyangnu" da" apyaid atoo: mo yhoem: nghoid nyid boem ziyo' nyangnu" gi hau: joyoo moo ayo, dangain" moo: daloung" jo, boem ago".

¹²Byu yi da" khyeug nghoid ga: khyoo: gi shid: jang" mo nyang: ri ayo" khyoid yu. Nyang: gi goug: nyhoug joem yhang: ti" shid: loo" shi' wa zi nghoid.

¹³Nyang: nya: da" gung du: ri myid loem nyid bang: moo ce: noem bue" lo khyoo: yo' nyang: nya: jonu" moo: nheugdeug nyid mo, da- vhu" pi: lo, kyo' gi khayhang: te" zi nghoid ziri yu" yu" we'.

¹⁴Nyangnu" gi yang joem yhang: ti" shid: loo" wa bang: za: danghoid. Shid: zoug: gi nyangnu" ri zung" da- yang zung" su: nghoid wa. Nyangnu" da" gung du: gi nyangnu" da" yhoem: yoo yo' ve: da moo: vo moug: moo myab myab boeb loo" wa zi nghoid.

¹⁵Nghoid loug we' Mangsoo gi ngoo ri lhoid pyoin yu wigi nyang: gi ngoo ri hid: da" yoem: so' mo khyoid khyu: yu wa zi nghoid.

¹⁶Byu dayug gi jonu" yo" de lo wigi nya: da" jonu" gi atho' tid loo sho' myo: tham: loo lang" gi nheigloem: aphug asi: akoid.

¹⁷Nyang: shid: lo" da" bidnyid ri hau: ziyoo joem gi nyang: yo' dage" yo" ci: loo" wa zi anghoid. Nya: jonu" joem gi nyang: yo' dage- loeb duang: khoug: khyoo: yo" cang. vang loo" wa zi anghoid.

¹⁸Byu dayug gi he: da" apyaid moo nheugdeug boin: lho: nyang: oung: lo" khyoo: moo coung" byid: zi shau" ri" lang"-

¹⁹Nyang: shid: lo' da" ayo, moo: gi nya: phoug" phyid" yi dangain" mo, nyid da- apyaid atoo: mo moug: coid" khoug: moo: dage" lo" shoug" nyid boem wa zi nghoid.

²⁰Byu yi da" gye" nghoid bye: ga: khyoo: gi shid: jang" mo nyang: ri ayo" khyoid yu. Nyang: gi gougnyhoug joem yhang: ti" shid: loo" shi" wa zi nghoid.