Read Lashi COUNG" NGHEI 52 Bible Online

COUNG" NGHEI 52 - Lashi bible

COUNG" NGHEI 52

¹[17] Bugthu sheing" jhu" da" byu we"- nang gi ciyoomo re" da" akhyeung" khyoo: moo phau: khuang nyid lha". Mangso jeju" gi pyaid didu moo: dageung: teung jo.

²Nang gi gooji byo, yoin" loo" wa khyoo: soin nyheung nyid Re" da" yhoo: gi tho' da" sham: soo" yhang: ti" nghoid nyid. Nang gi mhau, fain" dang: ri khanham we' damyhu: thu nyid.

³Nang gi ge da" tho' moo akhyeung" ziri we' deungmain" jang" moo: shoid vhang: khyoo: ri we' daje vho: ngei nyid.

⁴Mhau' fain" nyid su: we"- nang gi nanya: nhoid khoin" thui: yo' byu gooji yi da" nheigloem: ri noo sho' tid wa ziri davho: ngei nyid da:.

⁵Hougsu" nghoid nyid yoomo Mangsoo gi nang ri apyaid atoo: moo: ju" sho' phyo' shoin pyam byid: wam bye:. Nyang: gi nang ri zei: ci: lho: nanya: yhoem: mo wigi lang: she: thu pyam wa zi nghoid.

⁶Deung byeung" da" byu yigi hau: khyoo: ri myang yoomo gyoug lo boem wa zi nghoid. Houg: lang" Nyangnu" gi nang ri yi moug thui: yo' tid zigi

⁷Yu" ge' nyang: gau: nyu: wa shid re" Mangsoo ri aloem loo za: hau: gungkhoo: nya: da" myo: tham: jonu" yo' akhyeing" ashoeb khyoo: moo gau: nyu: khyoo: sho: nyid da" byu dayug hid: moo: nyid" ga: wigi tid.

⁸Nghoid loug we' ngoo gi Mangso da" yhoem: moo: youg jo, da- zhainloin: seiggam' yhang: ti" nghoid nyid. Ngoo gi nya: da" dageung: teung jo, da" jhed khyeing: kang: khyeing: ri pyaid moo: too: moo: daloem khau: nyid wa zi nghoid.

⁹Mangsoo we"- nang koid shug bye: da" moo" zoo" joem yoomo ngoo gi khanham we' nang ri jeju" daboin: nyid wa. Re" byumyu" yi da" shidkhoin" moo nang gi: gi su: nghoid da" khyoo: ri ngoo tid fu" byid: nyid wa nghoid.