Read Lashi COUNG" NGHEI 56 Bible Online

COUNG" NGHEI 56 - Lashi bible

COUNG" NGHEI 56

¹[21] Mangsoo we"- ngoo gi thougtheung zi shoug" nyid wigi nga" gyivoo joem gi ngoo ri ayo, khang" moo" shen" yhen nyid boem yoomo ngoo ri nheug khyeug shi" we' o".

²Nga" gyivoo joem ngoo ri nyid" goin" thougtheung nyid boem. Ngoo ri: thougtheung zain: nyid bang: gye" myo: boem.

³Gyi: myhang: da" ASEING we"- ngoo gyoug dain nyid uri nang moo: ngoo khau: nghe: nyid.

⁴Ngoo gi Mangsoo moo: khau: nghe: nyid yoomo ciri: we' gyoug aca". Nya: dang: theing khoin" yoomo ngoo nyang: ri coung" nghei. Xangsu byu yi za: gi ngoo ri ciyo" koid boem wa la".

⁵Nga" gyivoo joem gi nyid goin" ngoo ri kyoug nyid boem wigi ngoo ri: khasu" noo nhang: wa shid re" Nyangnu" gi khanham we' myid soin: nyid ago".

⁶Nyangnu" gi gau: da" joyoo moo gau" nyid wigi ngoo zei: da" khyoo: dangain" ziri gau" yu" ziyo' ngoo ri: yo" said pyam wa shid re" nheug byu nyid boem.

⁷Mangsoo we"- ngoonu" da" akhyeing" ashoeb khyoo: yoomo ngoonu" ri dam kaid we'. Re" nheug yo: ziyo' hau: byumyu" ri oung: pyam nhang: we'.

⁸Ngoo khasu" kyi" khyeug yau: khe" nyid ziri nang se. Nga" ngougbyid ngougnhab khyoo: ri nang xoem" too" byid: bye:. Re" mougsoug" pug moo: hau: khyoo: boo bye: anghoid la".

⁹Ngoo nang ri yoid khe: nyid bidnyid moo nga" gyivoo joem gi zoid phang: lo" boem wa. Mangsoo gi nga" shoid khyoo: bo nyid ziri ngoo se'.

¹⁰ASEING da" dang: soo" khoin" joem yoomo ngoo coung" nghei nyid.

¹¹Nyang: moo: ngoo khau: nghe: nyid ngoo gyoug ci' ca" wa zi anghoid. Xangsu: byu yigi ngoo ri ciyo" koid boem wa lha".

¹²Mangsoo we"- ngoo dangsoo" khoin" too" byid: bye: ziyo' dakhyoo" ti" ngoo gi nang ri xoin" to' ngei" byid: wa nghoid wigi nga" da" jeju" boin: da" joeb byeung" xoin" ri ngoo nang ri ngei" byid: wa.

¹³Khasu" wim gari nang gi ngoo ri shid: zoug: da" lo, mo khyoid yu wigi soem" joem: lo" khyoo: mo ngoo ri goem loem yu byid: bye: yoomo Ngoo gi Mangso shidkhoin" moo hau: kangso' dei nyid bang: da" atho' moo doug bang jo, da" bidbang khoug: moo: da nyid.