Read Lashi COUNG" NGHEI 58 Bible Online

COUNG" NGHEI 58 - Lashi bible

COUNG" NGHEI 58

¹[23] Zoug: ludaid yi we"- nanu" gi gyeing" nyang: deungmain" khyo" dang: phyed nyid bye: go" la". Byu dangain" bang: ri nyeung veung" khyo" dang: phyed nyid bye: go" la".

²Hougsu" anghoid loo: nanu" yo" koid da" akhyeung" khyoo: ri za: nanu" koid nyid ziyo' mungdain: khoug: moo: athoug" akhyoug: moo" riza: nanu" shoid vhang: nyid ago".

³Akhyeung" da" byu yigi nyangnu" da" kangso' gyung: khyoo: dangain" jang" moo shoid vhang" khyo" za: so" nyid ago". Nyangnu" gi khu: re" bidnyid mo nyang:- mhau, fain" da" dang: ri za: tid nyid ago".

⁴Lhangmyu joem yhang: ti" nyangnu" moo: dug byeung" sho' bo nyid ago". Lhangmyu myo, nghoeb sara: da" thui: ri shoug" gyoo: ri we' ashoug" gyo: da" lhangmyu yhang: ti" nyangnu" da" nukhyab' joem ri jhed ci: boem ago".

⁶Mangsoo we"- he: da" gye" akhyeung" khangkhyi, joem da" zei ri khyau" pyam byid: we'.

⁷Nyangnu" gi kyoug kain" byoug da" gyid yhang: ti" bei: lo" byoug boem baja". Khyoogung moo: youg da" vufu" myo, ri yhang: ti" nyangnu" nang: mhoin pyam zi shoug" goo" baja".

⁸Nyangnu" gi nyoeb kyug lo" da" nhoobaid yhang: ti" bue" loo" go" baja". Bidbang ri khanham we' amyang yu" da" noem bya: zoonu" yhang: ti" nyangnu" moo: bue" loo" goo" baja".

⁹Nyangnu" gi hau: khyoo: ri ayo" byam, si shi" uri vufu" ri yhang: ti" nyangnu" ri yham" pyam zi shoug" ziyo' nyangnu" gi dadei nyid shi" uri Mangso nheug no, yo: ziyo' nyangnu" ri hau, sain" pyam boem wa zi nghoid.

¹⁰Deing: byeung" bang: gi yooboo dab, mo, shen" yhen shoug" nyid zi myang da" uri gau, yi nyid boem wa nghoid. Nyangnu" gi akhyeung" mo, da" suid" boem tho' khyo" gu: lid lo" boem wa.

¹¹Deing: byeung" bang: gi gyeing" nyang: phoug" tab, ngi shab jhungshug ri shoug" kham: yu boem wa. Mougmyid ri tarha" dang: phyed wa Mangsoo gi gyeing" nyang: nyid nyid ga: wigi byu yi tid loo, wa zi nghoid.