Read Lashi COUNG" NGHEI 64 Bible Online

COUNG" NGHEI 64 - Lashi bible

COUNG" NGHEI 64

¹[28] Mangsoo we"- ngoo yau: khi" zi shoug" nyid bye:- nga" akyu" mho' thui: ri tam" gyoo: byid: we'. Nga" gyivoo joem ri ngoo gyoug nyid nga" kangso' ri khyoid yu we'.

²Akhyeing" bang: da" myid soin' khyoo: yo' ashoeb bang: da" mo, phung: mo ngoo ri goem loem yu byid: we'.

³Nyangnu" da" yhoo: joem ri sham: yhang: ti" sei" tho' lho: akhyeing" da" dang: khoin" joem ri myoo: ri yhang: ti" thoung: yeung to" boem.

⁴Nyangnu" gi nyangnu" da" sho' ase' dang: khoin" joem ri myab, myab, tid fu" lo" boem ziyo' nyangnu" gi byu gi yiri ade: voem" voem" za: lu wim gei sang: juang" yi dang: ri tid nyid ago".

⁵Nyangnu" gi akhyeung" da" moo" ri zei: wa ga: soin' nyheung lo" da" khyoo: moo nyangnu" nyang: cang" yoem: byid: go" nyid boem. Nyangnu" da" lhid joem ri kha: joyoo: thoung: ri gi wa khyoo: nyangnu" tid go" nyid boem. Hougsu" nyangnu" gi «Hau: joem ri hang" we' shau" myang wa zi anghoid» ga: tid nyid ago".

⁶Nyangnu" gi akhyeing" ashoeb khyo" nyheung soin' lo" lho: «Joeb byeung" da" suid" dab, khyoo: ri ngoonu" soin too" bye:» ga: tid ago". Byu da" nheigloem: yo' ung: khoug: joem gi atho' oung: se' gyo: da" mau" pho" khyoo: nghoid.

⁷Nghoid loug we' Mangsoo gi nya: myoo: yo' nyangnu" ri beug kaid wigi nyeigdain tung" dam, dab, boem abye:.

⁸Nyangnu" tid da" dang: joem yoomo nyang: gi nyangnu" ri mhoin' pyam wa zi nghoid. Nyangnu" ri myang bang: dangain" gi vhu" pyi: pyi: nyid boem wa zi nghoid.

⁹Nyangnu" dangain" gi gyoug lo boem wa zi nghoid wigi Mangsoo ce: noem zei: too" bye: ziri Nyangnu" myid soin: yu" lo boem wa ziyo' nya: da" moo" zo" khyoo: ri tid kyo" boem wa.

¹⁰Mangsoo zei: shug bye: da" moo" zoo" joem yoomo deungbyeung" da" byu yi dangain" bang: gi gau, yi ngei pyo: boem wa. Nyangnu" gi nyang: moo goem loem gau: nyu: nyid boem wa nghoid wigi ge lho, da" byumyu" dangain" bang: gi nyang: ri coung" byid: boem wa zi nghoid.