Read Lashi COUNG" NGHEI 67 Bible Online

COUNG" NGHEI 67 - Lashi bible

COUNG" NGHEI 67

¹[31] Mangsoo we"- ngoonu" ri nheug khyeug ziyo' mainkaid byid: we'. Ngoonu" ri re" da" nheig khyeug shoomyen: ziyo' yu" coung: byid: we'.

²Houg: lang" mougmyid gyab, goin" gi- re" da" myid vho: khyoo: ri yo" se' lo boem baja". Byumyu" yi bain sho' bang: we' re" da" khyoid yu khyoo: ri se' lo boem baja".

³Mangsoo we"- re" da" mung" byu yi nang ri coung" nghei goo baja". Meing: byu yi bain sho' nang ri coung" nghei nyid goo baja".

⁴Byumyu" yiri nang deungmain" da" tarha" yo' dang: phyed byid: wigi moug: gyab, mo byumyu" bain sho' mo, ri khyoo: shed vhu" shu" she: nyid yoomo mung" byu bain sho bang: gi gau, yi coung" nghei jikhoin" khoin" nyid goo" baja".

⁵Mangsoo we"- mung" byu yi bain sho nang ri coung" nghei nyid goo" baja".

⁶Meing: byu yi bain sho nang ri coung" nghei goo baja". Myidjang gi nya: amyoug: ashi" ri zei: byid: nyid bye:- Mangsoo yha" Mangsoo gi ngoonu" ri mainkaid byid: bye:.

⁷Mangsoo gi ngoonu" ri mainkaid byid: bye:- joyoo khyi khang" moo" moo: nyid da- mung" byu bain sho bang: gi nyang: ri phoug" tab ngi: byid: nyid goo" baja" o".