Read Lashi COUNG" NGHEI 7 Bible Online

COUNG" NGHEI 7 - Lashi bible

COUNG" NGHEI 7

¹O" ASEING nga" Mangsoo we' goem coung: byid: wa shid re" ngoo re" jhang khyoo: tain" loo bye:. Ngoo ri cang khaid myheug loo mo, da" lo, mo ngoo ri khyoid yu we'.

²Hougsu" anghoid ri nyangnu" gi khangkhyi yhang: ti" ngoo ri hang" we' ayo" khyoid yu lo: da" joyoo moo she: khyoid lo" lho: hougmoo: ngoo ri adu atoem koid ngaid ceung pyam goo" wa zi nghoid.

³O" ASEING nga" Mangsoo we"- ngoo dayug yug ri shoid vhang: nghoid rigi bidnoem dayug ri fain" lho: nga" gyivoo ri ce: sei: abo jang" moo athoug" akhyoug: gyi koid nghoid rigi ngoo hid: yhang: te" khyoo: daja: ja: koid shoid rigi

⁵Gyivoo joem gi ngoo ri cang khaid myhi: myheug yu lho: Nyangnu" gi ngoo ri zain: said pyam wigi nga" kangso' ri pheilhoug: boem moo she: pyam too" khare" boem wa nghoid.

⁶O" ASEING we"- nheug yoo: we' nga" gyivoo joem nheug yo: khyoo: ri toem pyam wa shid mo to' lo" lho: ngoo ri pang" yu we'. Nang gi nyeung veung" tarha" ri vho: ngei su: nghoid.

⁷Meing: byu dangain" mo, ri re" ayam aqei: loem: lheung khab' moo: zeung: foem: nhang: lho: atho khyo" nyangnu" ri vhoebkhang" byid: nyid ge'.

⁸O" ASEING we"- nang gi byu xangsu: dangain" bang: ri dang: phyed byid: nyid su: nghoid. Ngoo ce" yooboo we' aboo nga" da deungmain" khyoo: ri nang se' nyid yoomo nga" shoid khyo" dang: bo phyed byid: we'.

⁹Nang gi deungbyeung" da" Mangsoo nghoid yoomo ngoonu" da" vho: ngei khyoo: yo' myid soin: khyoo: ri dang: phyed byid: nyid. Byugang: yi da" akhyeung" khyoo: ri toem to" lho: byu gi yiri coung" ngei ngi: shab jhungshug byid: we'.

¹⁰Mangsoo gi nga" goem loem su: nghoid- Nya: dang: tam" gyoo: mo, ri khyoid yu nyid.

¹¹Mangsoo gi dain: khyo" tarha" dang: phyed da" su: nghoid ziyo' akhyeing" ashoeb bang: ri khanham we' dam kaid byid: nyid su: nghoid.

¹²Gyeing" nyang: nyangnu" gi nheigloem: athed lo boem nghoid rigi Mangsoo nya: sham: moo" gi sei" wam: bye:. Nyang: gi lid: ri thoung: wigi jen" jen" soin too" wam: bye:.

¹³Nyang: gi shid: nhang: se' da" gyizi ri ci: lho: myi: dab nyid da" nya: myoo: joem ri we' thoung: yeung too" bye:.

¹⁴Akhyeung" bang: gi age khyoo: ri khasu" yo" koid wa lha" ga: myid soin: nyid ziri yu" yu" we'. Nyangnu" gi kyi" khyeug byid: wa ziri soin' lho: mhau, fain" khyoo: ri zei: so, nyid boem.

¹⁵Nghoid loug we' nyangnu" gi gooji shid re" ga du: to" gyoin: moo: nyangnu" gyo" abye: go.

¹⁶Houg: yoomo nyangnu" gi nyang: nya: akhyeung" da" moo" zoo" yo' shen" yhen zi shoug" lho: nyang: nya: athoug" akhyoug: da" moo" zoo" yo"- dam, dab, ju: zang" boem bye:.

¹⁷Nya: nyeung veung" da" tarha" yoomo myhang: thang su: ASEING da" myeing khyang" ri ngoo jeju" boin: coung" nghei lid jhoem" kaid nyid.