Read Lashi COUNG" NGHEI 70 Bible Online

COUNG" NGHEI 70 - Lashi bible

COUNG" NGHEI 70

¹[34] Mangsoo we"- ngoo ri khyoid khyi: yu we' ASEING we" ngoo ri akhid" nyang: pang" thoug yu byid: la.

²Ngoo ri: said soin' bang: dangain" soem" lo" wigi vhu" nhung nhoung lo" zi shoug" goo" baja". Nga" yau: khi" kyi" khyeug khyoo: yoomo gau yi nyid bang: gi nungthang khyoo: zoid phang: lo" wigi asho ashid: zi shoug" goo" baja".

³Ngoo ri: juang" yi nyid bang: gi nyangnu" soem" joem: lo" khyo" myonhoo: shoem: loo" goo" baja".

⁴Re" jang" moo: ju" ri" bang: dangain" mo, gi vho: ngei ziyo' gau yi nyid goo" baja". Re" da" khyoid yu khyoo: ri dangain" mo jeju" boin: so" nyid goo" baja".

⁵Mangsoo we"- ngoo gi yoem nu: lho: asho" ajhen: su: nghoid nyid. ASEING we" nga" jhang myab, myab, ri" we' nang gi nga" da" khyoid yu su: nghoid nyid- ngoo ri to" myhed pyam wa zi anghoid. Nang gi nga" khyoid yu su: yo' ASEING nghoid nyid. Ngoo ri: myab, myab, pang" thoug yu byid: we o".