Read Lashi COUNG" NGHEI 75 Bible Online

COUNG" NGHEI 75 - Lashi bible

COUNG" NGHEI 75

¹Mangsoo we"- ngoonu" nang ri jeju" boin: coung" nghei nyid. Ngoonu" nang ri jeju" boin: coung" nghei nyid boem. Ngoonu" gi nang khayhi' gyeing" je nghoid thang da" khyoo: ri tid fu" nyid ziyo' nang koid bye: da" mau" pho" khyoo: ri tid kyo" nyid boem.

²Mangsoo tid zigi tarha" dang: phyed wa da" ayo, ri ngoo soin: too" bye:. Hougsu" wigi nyeung veung" da" tarha" yo' dang: phyed wa.

³Mougmyid yoosoo" yo' hougmoo: nyid da" dei noem loeb noem dangain" nain" nyid nghoid loug we' hau: da" apoem: ayang: ri ngoo geung: teing nhang: wa nghoid.

⁴Ngoo gi akhyeing" mo, nheigloem: gyi: phau: khuang zi ayo" koid goo" baja" ein: tid nyid.

⁵Nyangnu" da" nghoid boin: phau: khuang khyoo" joem ri no: pyam nhang: wa shid re we' ngoo nyangnu" ri tid bye: ga: tid

⁶Tarha" dang: phyed da" khyoo: ri bid thu bidvang mougzhung: moug: pyi- shoid khyo" ju" loo wa zi anghoid.

⁷Dang: phyed wa da" tarha" agyi phoo gi Mangsoo nyang: nghoid. Nyang: gi dayham" ri yooboo dam koid lho: dayham" rigi yooboo mo lhoid pyoin kaid wa zi nghoid.

⁸ASEING gi nya: nheug yo: phoin:” ein: da- aso, thain: da" zabyid yeing yo' byeung" da" goem daloem: nya: lo, moo: ci. Hau: zabyid yeing ri nyang: foid shoin" kaid lang" tarha" aci: bang: dangain" gi hau: ziri shoug boem bye:. Nyangnu" gi dazo, we' adeing loo sho' shoug" pyam abye: go".

⁹Nghoid loug we' Yaku da" Mangso khyoo: ri tid nyid ziyo' nyang: ri jikhoin" yo' coung" nghei khyoo: ri khanham we' no: pyam wa anghoid.

¹⁰Tarha" aci: bang: da" yoem so, ri nyang: khyau" pyam byid: wa zi nghoid. Nghoid loug we' deing byeung" bang: da" yoem so rikoem gi nyang: wigi gyi: sheung: loung: loo nhang: wa zi nghoid.