Read Lashi COUNG" NGHEI 77 Bible Online

COUNG" NGHEI 77 - Lashi bible

COUNG" NGHEI 77

¹[39] Ngoo gi Mangsoo ri gyi" sho' yoid nyid. Ngoo gye" yoid nyid yoomo nyang: gi ngoo ri: tam" gyoo: byid: bye:.

²Yau: khe" kyi" khyeug zi shoug" nyid uri ngoo ASEING ri akyu" mho' nyid. Damyen, goin" ngoo gi nga" lo, ri tu: ci: lho: noku nyid. Nghoid loug we' nheug teing ung: teung khyoo: ri ngoo ashau" myang.

³Ngoo gi Mangsoo khyoo ri: myid yu" nyid uri so, moo" damyhang nyid lo. Ngoo myid soin: yu" uri myid youg: myid nhoug khyoo: ngoo shoug" nyid.

⁴Myen, goin" nyang: ngoo ri nhau" to" wigi ngoo myid soung myo: nyid yoomo dang: lang" ayo" tid loo.

⁵Ngoo gi lid loo" bye: da" bidnyid joem ri myid soin: yu" kaid ri lid: loo" bye: zain void joem ri myid boin: nyid.

⁶Ngoo gi damyen, goin" no" no, myid yu" bye:- ngoo myid yu" ziyo' ngoonya gung ri ngoo myid yu bye:.

⁷ASEING gi ngoonu" ri khanham we' jha" she: pyam too" wa la". Nyang: gi ngoonu" ri khanham we' ajha" vhoo: loo: wa la".

⁸Nyang: gi ngoonu" ri jheddab khyoo: jha" no: pyam lo: wa la". Nya: da" dangsoo" khoin" ri we' phyo' shoin' pyam wam: bye: la".

⁹Mangsoo gi nheug khyeug shoo" myen: khyoo: ri jha" to" myhed pyam bye: la". Nheug khyeug wa gungkhoo: jha" nheig yo: nyid bye: la".

¹⁰Houg: lang" ngoo tid zigi Mangsoo gi ce" yoem so, we' aboo ga: wigi tid da" khyoo: gi ngoo ri gye" noo nhang: da" khyoo: nghoid ein: tid.

¹¹ASEING we" re" da" gyi: thang moo" zoo" joem ri ngoo myid boin: nyid wa nghoid. Nang zei: lid loo: bye: mau" pho" moo" zoo" joem ri ngoo doem myid boin: nyid wa zi nghoid.

¹²Nang zei: shoug loo bye: khyoo: dangain" ziri ngoo myid yu" nyid wa zi nghoid. Re" da" gyi: thang moo" zoo" joem ri ngoo myid soin: yu" nyid wa nghoid.

¹³Mangsoo we"- nang zei: lo da" khyoo: khaid khang" moo" gi gyeung" shang: nyid. Nang yhang: te" nghoid thang Mangsoo gootu: khyayoo: we' anyid loo.

¹⁴Nang gi mau" pho" alhoo: again' moo" zoo" joem ri zei: da" Mangsoo nghoid nyid. Byumyu" yi da" mo, phung: gug moo re" da" yoem so, ri toin" shed, loo bye:.

¹⁵Re" da" yoem so, yo' re" da" byu Yaku yo' Yoseb da" amyed ashen joem ri nang khyoid yu bye:.

¹⁶Mangsoo we"- gyid gi: nang ri myang lang- houg: bang: gi nang ri gyoug nyid lho: panglai: gyid da" no, thang joyoo mo gyid yi we' nain" nyid ago".

¹⁷Jhoemmoug" joem gi moug: ri vo, khyo' kaid byid: wigi mougkhung: khyo" moug: goin' myheung lho: moug: gyab joyoo khyi khang" moo" lhab' myeug nyid.

¹⁸Re" da" moug: goem: thui: myeing nyid wigi lhab' myeug myi: yo' mougmyid goin" ziri thoin" pang byid: nyid. Moug: gyab, goin" gi nain" lho: lei" nyid.

¹⁹Nang gi beung: mhoid tho' khyo" so" lid: lo" wigi no, da" panglai: gyid ri neug phyed lid lo" nyid. Nghoid loug we' re" da khyid: khoo: joem ri hang" we' ayo" myang boem nghoid da:.

²⁰Nang gi Moshe yo' Arun eig yug ri vhujhung: koid lho: re" da" byumyu" yiri yang zoem: su: yhang: ti" shu" lo yu" abye:.