Read Lashi COUNG" NGHEI 8 Bible Online

COUNG" NGHEI 8 - Lashi bible

COUNG" NGHEI 8

¹O" ASEING ngoonu" da" ASEING we"- re" da" reung: thang khyoo: ri Mougmyid gyab goin" mo, shau" myang boem bye: nang ri coung" nghei thui: gi moug: moo: hung: tu" too" bye:.

²Hau: zigi zooshang: mi" yo' noug" nu" yi khoin" nyid da jikhoin" nghoid. nang gi re" da" gyivoo joem bain sho' ri loid byoin myenjham" nyid nhang:. Nang gi nang ri thougtheung loo bang: ri toem pyam.

³Nang phain" so: to" da" moug: laid khyoo: ngoo yu" kaid ri lhammoo" yo' kyi: joem gi Nyangnu" da" joyoo moo: nang nyeung tab, to".

⁴Byu date: nghoid ri nyang: ri nang coung: goem byid. Byu yigi ce: noem te" bang: nghoid yoomo nya: shid re" nang soin: byid: nyid lha".

⁵Nang gi nyang: ri re" da" vhoo: moo: dajhi' za: khyo' lho: nang gi nyang: ri myonhoo: phung" yoeb yo' phoug" tab, ngi: byid: da" bidmug zhung" byid.

⁶Nang gi nyang: ri nang phain" so: to" da" ziyoo dangain" ri vhoebkhang" wa da" amyeing" byid: to" lho: phain" so: to" da" ziyoo jo, moo: jo, dangain" atho moo nang nyang: ri nyhid: too" bye:.

⁷Mangsoo phain" so: to" da" yang joem nu: joem yo' siyoo mo gougnyhoug gougdoo: joem

⁸Ngho, zoo: yen" zoo: joem yo' ngoo da, joem panglai: gyid thoem" khoug: mo dei noem dangain" ri nang gi nyang: ri ab byid: bye:.

⁹O" ASEING ngoonu" da" ASEING we" re" da" reung: thang khyoo: ri mougmyid gyab, goin" mo, shau" myang boem bye:.