Read Lashi COUNG" NGHEI 82 Bible Online

COUNG" NGHEI 82 - Lashi bible

COUNG" NGHEI 82

¹[43] Mangsoo gi mougkhung: tho' mo phung: kongsi ri shu" vhu" nyid wigi Mangso yi da" zoebphung: moo nyang: dang: phyed khyoo: ri tid kyo" nyid.

²Atarha" khyo" dang: phyed da" khyoo: ri nanu" no: too" ca" goo" wa akhyeung" bang: ri nanu" myonhoo: tu: da" khyoo: ri nanu" dajhi' we' yo" koid goo' wa zi anghoid.

³Sho" jhen: bang: yo' coug" zoo: nu" yi da" akho, akhang" ri lhoug zung" byid: we'. Ca" yo nyid bang: yo' pang" thoug wa byu anyid bang: ri nyeung veung" khyo" dang: phyed byid: we'.

⁴Akhyeung" bang: da" yoem so, mo Nyangnu" ri khyoid yu we'.

⁵Nanu" gi khayhi' gyeing" ase' goonhung: lha". Nanu" gi bain sho' akyang byo, yoin" boem abye:- deungmain" da" nyeung veung" tarha" ga: zigi he: mougmyid mo byoug byug bye:.

⁶Nanu" gi Mangso bi" nghoid ago". Nanu" dangain" bang: gi myhang: thang su: da- nya: zoo: yi nghoid nyid ago"- ein: wigi ngoo tid bye:.

⁷Nghoid loug we' byu yi yhang: ti" nanu" shid: loo" shigoo" wa. Khokham da" nya: zoo: yi yhang: ti" nanu" da" kangso' thang lo" byug shi" wa.

⁸Mangsoo we"- ri" we'. Mougmyid ri vhoebkhang" nyid we' byumyu" yi bain sho' bang: gi re" byu za: danghoid nyid boem.