Read Lashi COUNG" NGHEI 83 Bible Online

COUNG" NGHEI 83 - Lashi bible

COUNG" NGHEI 83

¹Mangsoo adei aloeb loo: akoid nyid. Sam" zoo we' anyid nyid.

²Yu" we' re" gyivoo joem gi khaid zain: lo nyid ziyo' nang ri ngheung" nyid mo, doin: lhoem" lo nyid boem abye: go.

³Nyangnu" gi re" da" byumyu" yiri tu: lhoin" wa shid re" phajhi" gau" khyoug" go" nyid ziyo' nang wigi goem loem byid: nyid bang: ri we' nyangnu" tu: lhoin" wa ga: soin' go" nyid.

⁴Nyangnu" gi ri" ge'- nyangnu" da" mungdain: ri nyhang" lhu: shoin' byid: pyam shang- Israela byumyu" yigi pyaid moo: too: moo: to" myhed pyam zi shoug" goo" baja" ga: tid go" nyid boem.

⁵Nyangnu" gi nyheung soin' lo" khyoo: ri coem myid veung" boem ziyo' nang ri tu: lhoin" wa shid re" bidnoem phung daloem: ri coem shoin" phang to" boem ago".

⁶Houg: bang: gi Edom byumyu" yi yo' Ishmela byumyu" yi Moba byumyu" yi yo' Hagara byumyu" yi

⁷Gabala byumyu" yi Amon yo' Amaleg byumyu" yi Philisti yi yo' Turu byumyu" yi bo boem ago".

⁸Loid da" amyed ashen yi nghoid da" Amon byu yi yo' Moba byu yi shoid mo Asuri byu yi we' bo jo, abye: go.

⁹Kishon gyid zeing yam moo Midian byumyu" Sisera yo' Yabin ri nang koid yhang: ti" Nyangnu" ri koid pyam we'.

¹⁰Nang gi nyangnu" ri Edora moo: oung: pyam ziyo' Nyangnu" da" shid: mang joem gi myidjang moo: boeb leung: yoin" to".

¹¹Oreb yo' Zeb ri nang koid pyam yhang: ti" nyangnu" da" vhujhung: yiri we' koid pyam we'. Zeba yo' Zalmunna ri nang koid pyam yhang: ti" nyangnu" da" zoug: ludaid dangain" ri we' oung: pyam we'.

¹²Nyangnu" tid zigi Mangsoo seung: ci: da" mougmyid ri ngoonu" gi ngoonu" nya: shid re" yu pyam zi nghoid ga: wigi tid nyid ago".

¹³Mangsoo we"- Nyangnu" ri myidzhoo" phei" ri yhang: ti" lhu: sain" pyam wigi lid moo: dang: lo" da" pheipyang" ri yhang: ti" lhu: tang" pyam we'.

¹⁴Yooyang" no, yoid yoo ri myi: yo' nghe' pyam ziyo' boem ri nge" gyo" pyam da- siyoo myiyham: joem yhang: ti"

¹⁵re" da" uglid zoo" yo' nyangnu" ri cang khaid lo" wigi re" da" gye" thain: lid doin: zoo" yo' nyangnu" ri gyoug nain" nyid nhang: we'.

¹⁶ASEING we' nyangnu" da" myonhoo: joem ri asho' ashid: bui" nhang: lho: re" da" yoem zeing so, moo" ri nyangnu" xoem" sho' koid we'.

¹⁷Nyangnu" gi pyaid moo: too: moo soem" joem: lo" ziyo' kyug nhain' da" khyoo: za: thoung" shoug" nyid goo" baja". Nyangnu" gi sho' thu ziyo' shid: doem: loo" goo" baja".

¹⁸Nang za: ASEING danghoid nyid da" khyoo: yo' mougmyid gyab goin" jang" moo myhang: thang su: nghoid nyid khyoo: ri nyangnu" se' yu loo" goo" baja" o".