Read Lashi COUNG" NGHEI 84 Bible Online

COUNG" NGHEI 84 - Lashi bible

COUNG" NGHEI 84

¹[44] Gyi: myhang: thang da" ASEING we" re" da" Noku Yhoem: Moo" ri ngoo khayhi' jheddab nyid lha".

²Hau: joyoo moo: ngoo khayhi' nyid nau nyid la". Re" da" Noku Yhoem: Moo" khoug: moo shau" nyid wa ziri ngoo nheug nhei: nyid. Nga" gungdu: nheigloem: dangain" yo' dadei nyid da" Mangsoo ri ngoo gau yi jikhoin" khoin" nyid.

³Nga" khokham yo' nga" Mangsoo gyi: myhang: da" ASEING we" jookhyang ngho' joem lang"- re" da" phoin: joem anam, moo Nyangnu" da" soid koid nyid boem ziyo' jhashi lagyung" joem we' nyangnu" shid re" yhoem: yo" nyid boem.

⁴Re" da" Noku Yhoem: Moo" khoug: moo nang ri khanham we' jikhoin" khoin" lho: nyid nyid mo, gi khayhi' ngilho' boem lha".

⁵Re" jang" mo yoem vhoo" yo" yu wigi Ziun boem khyoo: noku do, loo" wa shid re" nheigloem: zhu: nyid mo, gi khayhi' ngilho' nyid lha".

⁶Nyangnu" gi Baka ga: da- kyug kyiri" da" koolhang khyo" lid lo" boem ri hau: zigi gyid bug joem yau, thu lo da" joyoo bue" lo. gyumoug: yu: gi hau: da" joyoo mo gyid thoem" joem moo gyid byeung" deung loo nhang: nyid.

⁷Nyangnu" gi so" yhe: lo" zoo" re- yoem so, je" yo" yu lo nyid boem. Ziun boem tho' moo phara" yi da" Mangsoo ri nyangnu" lo" shau" myang boem wa zi nghoid.

⁸Gyi: myhang: thang da" ASEING Mangsoo we"- nga" da" akyu" mho' thui: ri tam" gyoo: byid: we Yaku da" Mangsoo we"- tam" gyoo: byid: we'.

⁹Mangsoo we"- nang khyen: nyheung too" bye: da- ngoonu" da" khokham phoo ri mainkaid byid: we'.

¹⁰Re" da" Noku Yhoem: Moo" khoug: moo danyid" shoug" nyid zigi gootu: da" joyoo moo zain' void dakhyeing" zain nyid tho' moo: je ge nyid. Ngoo gi akhyeing" su: da" yhoem: moo: shoug" nyid da" tho' moo Mangso da" yhoem: khoem" zeing yang: moo te: shau" yab wa ziri vho: ngei nyid.

¹¹ASEING gi ngoonu" ri goem loem byid: su: yo'- myonhoo: phung" yoeb yo' byeung" da" khokham nghoid wigi nheug khyeug shoo" myen: ziyo' phoug" tab ngi: byid: khyo" wigi ngoonu" ri mainkaid byid: nyid. Nyang: gi deungmain" da" moo" zei: bang: ri ge da" khyoo: ci: we' byid: wa shid re" he: ngeug nyid su: anghoid.

¹²Gyi: myhang: thang da" ASEING we" nang ri loem khau: nyid bang: gi khayhi' ngilho' nyid boem lha".