Read Lashi COUNG" NGHEI 86 Bible Online

COUNG" NGHEI 86 - Lashi bible

COUNG" NGHEI 86

¹ASEING we" ngoo ri pang" thoug wa byu abo ziyo' yoem nu: nyid yoomo ngoo mho' nyhoem: khyo' dang: ri tam" gyo: lho: tu" byid: we'.

²Ngoo gi nang moo: dang: zung" su: nghoid yoomo shid: lo" jang" mo ngoo ri khyoid yu byid: we'. Ngoo gi nang ri loem khau: nyid ziyo' re" da" dei zoo: nghoid nyid yoomo ngoo ri khyoid yu we'.

³Nang gi nga" Mangsoo nghoid yoomo ngoo ri nheug khyeug shi" we'. Ngoo gi nyid" goin re" jang" moo: akyu" mho' nyid.

⁴ASEING we" nga" noku da" dang: khoin" joem gi re" jang" moo: ju" do, lo nyid yoomo re" da" dei zoo: ri gau yi ngei pyoo: nhang: we' o".

⁵Nang gi ngoonu" tho' moo ge nyid su: nghoid yoomo yooboo ri khyam" sa: byid: nyid. Nang ri akyu" mho' nyid mo, dangain" bang: shid re" re" da" geung: teung jhed khyeing: kang: khyeing: ri joeb, joeb, byeung" byeung" kham: zoo: nhang: nyid bye:.

⁶ASEING we" nga" akyu" mho' da" dang: ri tam" gyoo: byid: we'. Pang" thug byid: wa shid re" ngoo mho' yoid thui: ri gyoo: byid: we'.

⁷Nga" noku thui: ri nang tu" byid: bye: yoomo yau: khe" ayo, moo ngoo nang ri yoid bye:.

⁸ASEING we" nang yo' du da" Mangsoo gootu: dayug we' anyid loo- nang koid too" bye: moo" zoo" te" zi hang" we' ayo" koid.

⁹Nang phain" so: to" da" byumyu" dangain" mo, gi re" jang" moo: re" lho: poid thoug lo boem wa nghoid. Nyangnu" gi re" da" nghoid thang khyoo: ri coung" byid: lo boem wa zi nghoid.

¹⁰Nang gi gyi: myhang: thang su: nghoid wigi mau" pho" moo" zoo" ri zei: nyid da:. Nanyang: kyeing" Mangsoo danghoid nyid.

¹¹ASEING we" nang ngoo ri koid nhang: nau da" khyoo: ngoo ri jhau" byid: we'. Ngoo nang ri gye" loem: lug khyo" tam" gyoo: byid: nyid wa. Ngoo nang ri bain sho' loem khau: noku da" emyed yo' nang ri bo pang" zei: nyid wa khyoo: ngoo ri jhau" byid: we'.

¹²ASEING nga" Mangsoo we"- ngoo nang ri nga" emyed dangain" yo' coung" nghei nyid wa nghoid. Re" da" nghoid thang khyoo: ri ngoo pyaid didu moo: datid kyo" nyid wa zi nghoid.

¹³Re" da" geung: teung jhed khyeing: kang: khyeing: gi nga" shid re" khayhi' gyi: sheung: geung: teung jo, lha". Nang gi ngoo ri loeb duang: khoug: mo nyang: khyoid khyi: yu abye:.

¹⁴Mangsoo we"- nghoid boin: lho: phau: khuang nyid da" byu yigi ngoo ri re" tu: lhoem" nyid ago". Nang ri cishu: anhang: bang: yo' nheig khyeug shoo" myen: ase da" byu daphung: bang: gi ngoo ri said pyam wa ga: soin' nyid ago".

¹⁵Nghoid loug we' ASEING we" nang gi nheug khyeug shoo" myen: se' ziyo' jheddab se' da" Mangsoo nghoid. Nang gi khanham we' kham zeing: su: nheigloem: zung" su: yo' nheug khyeug su nghoid.

¹⁶Ngoo ri: yu" goin coung: nheug khyeug yu we' ngoo gi nga" myhi' ri yhang: ti" nang ri dei byid: nyid yoomo ngoo ri yoem lung: byid: lho: khyoid yu we'.

¹⁷ASEING we" re" da" ge lho, khyoo:- ngoo ri sagse: toin" shed byid: we'. Nang ngoo ri byid: da" ngei pyo: khyoo: yo' pang" thoug khyoo ri shau" myang da uri ngoo ri ngheung" nyid mo, gi asho' ashed: zi shoug" lo" byoug boem wa nghoid.