Read Lashi COUNG" NGHEI 92 Bible Online

COUNG" NGHEI 92 - Lashi bible

COUNG" NGHEI 92

¹ASEING we" nang ri jeju" boin: khyoo: gi gye" ge nyid myhang: thang da" Mangsoo we"- re" da" myonhoo: phung" yoeb shid re" coung" nghei jihkoin" khoin" lho:

²thui: pyo: da" teing tei" tab, to" da" teing shi: yo' yhang: thui: myheing thui: joem yo' nab khang" moo" re" da" geung: teung jhed khyeing: kang: khyeing: ri nghoid loug we' myen khang" moo" re" da" nheigloem: zung" khyoo: ri nghoid loug we' tid kyo" nyid da" khyoo: gi khayhi' gyeing" ge zi nghoid lha".

⁴ASEING we" re" da" mau pho" moo" zoo" joem gi ngoo ri gau yi ngei pyoo: nhang: nyid. Nang koid too" bye: moo" zoo" joem yoomo ngoo gau yi jihkoin" ri khoin" nyid.

⁵ASEING we" re" da" moo" zoo" joem gi khayhi' gyeing" gyi: sheung: jo, nhung. Nang myid soin: khyoo: gi khayhi' no, jo, lha".

⁶Akoo" adau: su: gi ase' gyo: ziyo' phajhi" aboo su: amyed ju" da" khyoo: daja: jo, jo,.

⁷Akhyeung bang: gi vufu" myo, su" te: youg jo, wigi shoid vhang: moo" ri zei: lho: nyid ge nyid de, lo boem nghoid loug we' Nyangnu" dangain" gi bain sho' jhoid lhu: shoin' byo, yoin" pyam zi shau" boem wa nghoid.

⁸Khasu" wim gari ASEING we" nang koem gi apyaid atoo: moo myhang: thang su: nyang: nghoid nyid da:.

⁹Re" gyivoo joem dangain" gi shid: doem: lo" boem wa ziyo' akhyeing" ashoeb bang: dangain" we' soem" joem: lo" byoug boem wa ziri ngoonu" se' nyid boem.

¹⁰Nang gi ngoo ri nulam" ri yhang: ti" yoem foin' byid: wigi ngoo ri gau yi ziyo' nang mainkaid byid: nyid.

¹¹Nga" gyivoo joem gi soem" joem: gyo" lo" boem ziri ngoo nyang: shau" myang bye: ziyo' akhyeung" bang: da" yoid, ngau, thui: ri shoug" gyoo: bye:.

¹²Deung byeung" da" byu yigi labam gam su" ko' lo, lam: lo wigi Lebanon boem mo shamu gam joem su" nyangnu" gi youg gyi: lo boem wa zi nghoid.

¹³Houg: bang: gi ASEING da" yhoem: moo: sho" to" wigi yha" da" Mangso Noku Yhoem: Moo" moo nyau young da" seig joem: gam joem yo' du nyid boem ago".

¹⁴Hau: seiggam' joem gi mang: lo" ayo, moo: lang" ashi" zei: nyid shi" wigi khanham we' nyau, young" lho: yeing" jo.

¹⁵Ngoo ri: goem loem byid: nyid da" ASEING gi deungmain" su: nghoid nyid wigi nyang: moo: shoid vhang: khyoo: ci" we' abo ziri toin" shed nyid.