Read Lashi COUNG" NGHEI 97 Bible Online

COUNG" NGHEI 97 - Lashi bible

COUNG" NGHEI 97

¹Hau: ASEING gi khokham nghoid- mougmyid yoosoo" we' gau yi nyid we' Panglai: joem mo gugyoo: kang: joem we"- nanu" we' gau yi ngeibu: nyid loo we'.

²Jhoemmoug" joem yo' moug: coid gi nyang: ri lheung khoem to". Nyang: gi deingmain" ziyo' deingmain" khyo" vhoebkhang" nyid.

³Myi: gi nya: shidkhoin" moo: yhe: lo" wigi nyang: ri vang: lheung ci: da" gyivoo joem ri nge" joem pyam nyid.

⁴Nya: moug: lhab' myeung zigi mougmyid ri thoin" pang byid: nyid wigi mougmyid gi hau: ziri myang lang" gyoug nain" nyid.

⁵Mougmyid gyab, goin" ASEING da- moo boem joem we' shidkhoin" byooshung" yhang" ti" yau, yu: lo.

⁶Mougkhung: mougdi joem gi nya: da" deingmain" khyoo: ri tid fu" byid: nyid wigi byumyu" ja: khang moo" bang: gi nya: da" phung" yoeb ri yo" myang nyid boem ago".

⁷Phara" soolhoo: ri no nyid bang: hang" nghoid loug we' asho, ashid: zi shoug" nyid wigi yu phara" joem dangain" we' ASEING da" shidkhoin" moo gyoeb, pid to" ago".

⁸ASEING we"- nang dang: phyed byid: nyid yoomo Ziun byumyu" yi gau yi nyid boem ziyo' Yuda meing mo voogung joem we' gau yi nyho: yoid nyid boem.

⁹Gyi: thang yoem moo" bo da" ASEING we"- moug gyab, dangain" ri vhoeb ci: su: gi nang za: danghoid nyid. Nang gi yu phara" joem dangain" tho' moo: je gyi: su: nghoid.

¹⁰Akhyeung" khyoo: ri ngheung nyid mo, rigi ASEING jheddab nyid. Nyang: gi nya: byumyu" yi ca" kangso' ri goem loem yu byid: nyid wigi akhyeing" bang: da" yoem so, khoug: mo we' nyangnu" ri khyoid yu nyid.

¹¹Deingmain" su: da" tho' moo bidbang bang nyid wigi nheigloem: gi mo, da" atho' moo gau yi ngei bu: khyoo: jo, jo.

¹²ASEING bain zei bye: moo" zoo" joem yoomo deungbyeung" mo, dangain" bang: we' gau yi ngeibu: nyid we'. Gyeung" shang: da" Mangsoo bain koid bye: da" moo" zoo" ri myid boin: nyid ge'- nyang: ri jeju" daboin: nyid ge' o".