Read Lashi COUNG" NGHEI 98 Bible Online

COUNG" NGHEI 98 - Lashi bible

COUNG" NGHEI 98

¹[48] ASEING ri jikhoin" dang: seig yo' khoin" nyid ge'- nyang: gi mau" pho" moo" zeing ri zei: too" bye:. Nya: da" zoug: myeing" yo' gyeung" shang: da" yoem moo" yoomo nyang: gi oung: doid lo" ziri yo" kham: yu bye:.

²ASEING gi nya: da" oung: doid lo" khyoo: ri tid fu" kaid- nya: da" khyoid yu yoem so, ri nya: byumyu" yiri: si' nhang: bye:.

³Nyang: gi nheigloem: zung" ziyo' geung: teung jhed khyeing: kang: khyeing: yo' wigi Israela byumyu" yiri nyang: byid: to" da" dangsoo" khoin" ri zoem ci: su: nghoid. Joyoo khyi khang" moo" mo byumyu" yi dangain" bang: gi Nyangnu" da" Mangsoo oung: doid lo" khyoo: ri shau" myang boem bye:.

⁴Moug gyab, goin- ASEING ri: gau yi ziyo' jihkoin" khoin" we'. Nyang: ri: jihkoin" yo' coung" nghei lho: gau yi nyho: phau: nyid we'.

⁵Jihkoin" yo' ASEING ri coung" byid: ge teing joem ri gyo: pyo: tung" baid myheung kaid we'.

⁶Laboo" joem yo' nukhyoug: joem ri: moid lho: ngoonu" da" khokham ASEING ri ngei pyo: gau yi nyho: nyid we'.

⁷Nammugdara yo' hougmoo: loung" jo, da- gougnyhoug dangain" bang: we' myeung fu" tu" too" we'. Mougmyid yo' hougmoo: nyid nyid mo dangain" bang: we' jihkoin" khoin" we'.

⁸Gyid lang joem we' nanu" we' lo, baid baid nyid ge'. Boem joem lang joem we' ASEING da" shidkhoin" moo gau yi tung za: dage" jihkoin" khoin" nyid we'.

⁹Khasu" wim ga: ri nyang: gi byumyu" dangain" bang: ri nyeung veung" ziyo' gam mi gam shoo" yi vhoebkhang" nyid wa zi nghoid.