Read Lashi COUNG" NGHEI 99 Bible Online

COUNG" NGHEI 99 - Lashi bible

COUNG" NGHEI 99

¹ASEING gi khokham nghoid- byumyu" yi gyoug nain" nyid boem. Nyang: gi: dung dab da" dei noem tho' moo: zhoung: jo- mougmyid yoosoo" gi nain" nyid.

²ASEING gi Ziun tho' moo: phung" yoeb bo nyid wigi mougmyid byumyu" yi da" atho' moo gyi: thang amyeing" yoo" su: nghoid.

³Byu yugkhang" moo" gi nya: da" gyid myhang: thang khyoo: yo' phung" yoeb bo da" myeing khyang" ri coung" nghei nyid boem wa nghoid. Nyang: gi gyeung" shang: su: nghoid nyid.

⁴Zoug: myeing" ci: da" khokham we"- nang gi deungbyeung" khyoo: ri vho: ngei nyid. Nang gi Israela byumyu" yi da" akhoug: moo nyeung veung" khyoo: ri koid too" byid: bye:. Nang gi deungbyeung" khyoo: yo' gam mi gam shoo" yi da" khyoo: ri ci: lo abye:.

⁵Ngoonu" da" Mangsoo ri coung" nghei ge'- nya: da" zhungtang shidkhoin" moo noku nyid ge'- Nya: gi: gyeung" shang: nyid su: nghoid.

⁶Nya: da" khainjung Moshe yo' Arun- nyang: ri akyu" mho' su nghoid. Samuela bi" gi ASEING gi nyangnu" ri tam" gyoo: byid: bye:.

⁷Nyang: gi nyangnu" ri jhoemmoug" zeing mo dang: ji bye:- nyangnu" gi nyangnu" ri byid: to" da- tarha" yo' amyeing" dang: joem ri tam" gyo, cang lo boem bye:.

⁸O" ASEING ngoonu" da" Mangsoo we"- nang gi re" da" byumyu" yiri tam" gyoo: byid: bye:. Nang gi nyangnu" da" yooboo joem yoomo dam kaid shen" yhen loo loug we' nang gi yooboo ri khyoid pyam, byid: da" Mangsoo nghoid khyoo: ri toin" shed loo bye:.

⁹Ngoonu" da" Mangsoo ASEING ri coung" nghei byid: ge'- nya: da" younglho' boug tho' moo: noku ge'- ngoonu" da" Mangsoo ASEING gyeung" shang: su: nghoid.