Read Lashi DANG: ZHOEM 17 Bible Online

DANG: ZHOEM 17 - Lashi bible

DANG: ZHOEM 17

¹Nheigloem: myenjham" za: zooyho, kyug dacu' zo: zigi yau: khe" khyoo: byeung" jo, da" yhoem: moo: zoo: shug pui" zo: tho' re" je" ge nyid.

²Yeug da" deizoo: gi akyu" abo da" ASEING yug gi zo: atho' moo amyeing" akhang" yo" yu lho: mid dayham" ri yo" khyam' yu wa nghoid.

³Sheing: yo' ngei ri myi: moo: phoid kyeung yu" yhang: ti" byu dayug da" nheigloem: rigi ASEING wigi jham" ca yu" nyid.

⁴Akhyeing" ashoeb mo, gi akhyeing" ashoeb khyoo: myid thu ziri tam" gyo: nyid ago". Mhoug foeb, yigi mhau, dang: ri tam" gyo: ago".

⁵Nang gi myoung shoo" bang: ri yi, byid: nghoid rigi nyangnu" ri phain" so: to" Mangsoo ri aphoug" akhyoid koid zi nghoid. Dayug youg da" zhafa: age ziri nang yu" ngei nghoid rigi yooboo dam, kaid zi nang moo: shau" loo wa zi nghoid.

⁶Zooshang: yigi nya: pho, bi" moo: myonhoo: sho: phau: khuang nyid boem yhang: ti" phoug" mang: yigi nyangnu" da" myid: zoo: yi gang mo myonhoo: sho: phau: khuang nyid.

⁷Phoug" myang: ge da" byu yigi mhau, da" dang: asang- nheigboo ung: agyeung: bang: gi phoug" dab, zi ci: we' ase' tid.

⁸Byu dayham" gi khougvhoid ri fa" da" phajhi" ri yhang: ti" yo" bui" wa ga: jho: ago". Nyangnu" gi ja: khang" moo" ri yo" ze" bui" wa ga: myid loem nyid ago".

⁹Sube" wigi nang ri yu" ngei boem wa shid re" vho: ngei nyid nghoid rigi nyangnu" nang ri age zi koid lo da" uri nyangnu" da" yooboo ri khyoid byid: we'. Shoid go" to" da" yooboo xoem" ci: ri bidnoem gang: loo" se' nyid.

¹⁰Byugang: dayug ze, dashoo: dam, baid zi kham lho: jhau" mho' yu se' tho' moo vhu" nug gi su: gyi koid dang: sang: khoin" yo' yo" jhau" mho' yu nyid.

¹¹Kha: nham' we' yau: nhoung khyoo: ri lhu, kaid nyid da" akhyeung" bang: moo shid: lo khyoo: gi gye" thain: da" lagyoo: yhang: ti" myab" myab, za: ju" loo wa nghoid.

¹²Ce" dang: kang: thu' moo" zei: nyid da" byugang: yo' shoug" goo" wa tho' re" gi nya: zoo: lhoid yu pyam shau" da- voem, myhi' yo' shoug" goo" wa je we'.

¹³Ge ziri age ziyo' doem toug" byid: ri re" yhoem: mo akhyeing" ashoeb, khyoo: ri khanham we' yo" yu pyam, loo: wa zi anghoid.

¹⁴Myeing" myo: khyoo: ayang: qei" zigi teung to" gyid thoem" boid shoin: lo" ziyo' du nyid. Je" alam: loo" shi" uri myab, myab, jhed pyam we'.

¹⁵Yooboo ayoo" su: ri yooboo foin: lho: akhyeing" su: ri loid pyoin kaid da khyoo: he: eig ja: ri ASEING gi ngheing" nyid,

¹⁶Koopyoid ri phajhi" jhau" byid: wa shid re" ngei yhoung: zigi ce" akyu" we' aboo. Khasu" wim ga: ri nyang: moo: se' myid yu" da" vhu" nug aboo yoomo nghoid.

¹⁷Bid noem nyang: cang" gi khanham we' jheddab nheigloem: yo" toin" shed go" da- yau: khi" shoug" nyid" ri apang" thoug da" mang: nhung" gi" ce: akyu" bo lha".

¹⁸Phyiri: phala: abo da" byu za: subi" gooyug da" jhen kham" voin loo wa nghoid.

¹⁹Yooboo ri vho: zigi yau: khe" khyoo: ri vho: nyid zi nghoid. Ayo, bain sho' moo: phau: tid nyid zigi yau: khe" khyoo: ri mho' nyid zi nghoid.

²⁰Akhyeing" ashoeb khyoo: ri myid, lho: ji sang: nyid su: gi ge zi ciyoo" wa nheig byu khyoo: ajo- byo, yoin" lo" khyoo: za: shoug" wa zi nghoid.

²¹Byugang: yigi nya: pho, shid re" nheig koug nheig ngi wa khyoo: za: bui" nhang: nyid byugang: da" nya: khyoo, moo: gi gau, yi ngei pyo: khyoo: ga: zi ci" we' ajo.

²²Ngei pyoo: tung" za: se' nyid nghoid rigi yang" zain: nhang: nyid. Ayo, byeung" sho' myonhoo: shoem: khyoo: gi zo" re, shid: loo" wa zi nghoid.

²³Akyang" yoin" da" tarha" agyi phoo gi khoug" byid: da" khougvhoid jhungshug yo" yu zo: da deing byeung" moo" ri azei: nghoid da:.

²⁴Vhu" nug gi su: gi phajhi" bo da" moo" ri yu" young soin nyid byugang: yigi moo" yang: ga: zi ci" we' ajo.

²⁵Byugang: zoo: gi nya: phoo ri koug nhang: lho: nya: myhi' ri nheigloem: thang nhang: nyid.

²⁶Yooboo ayoo" su: ri youg: khoug zigi ajoo nghoid da byugi yiri yooboo dam, kaid zigi tarha" nyeung veung" khyoo: abui" nhang: loo: nghoid da:.

²⁷Nyang: nya: gung ri myid loem nyid mo, gi ayo, byeung" sho' dang: atid loo: sam" zoo: nyid nyid sam" za: nyid mo, gi nheigloem: phajhi" amain" boo mo, nghoid.

²⁸Lo" thang moo: gi byugang: lang" ri nhoid myhed" ci: lho: sam" za: nghoid nghoid rigi ung: yeig phajhi" yi' nheigloem: phajhi" boo nhung: ga: coem jho: zi shoug" nyid.