Read Lashi DANG: ZHOEM 20 Bible Online

DANG: ZHOEM 20 - Lashi bible

DANG: ZHOEM 20

¹Yhid: soung shoug ri nang nyho: yen" ziyo' ko" fang: loo" wa zi nghoid. Yhid: yed, zigi nheig agyeung: da" moo" nghoid.

²nheig joem: yo: nyid da" Khokham ri myeing myhu" nheig yo: nyid da" khang khyi yo' dakhyoo" ti" gyoug nyid we'. Nyang: ri ze" sho" kaid su: gi nyang: nya: gung nyang: said shed: yu zi nghoid.

³Byugang: yigi: hang" nghoid loug- myeing" myo: khyoo: ri gye ze" bue" thu nyid. Houg: yhang: te" khyoo: moo: abo boo, loo: za: nyid zigi nheigboo ung: gyeing: su: nghoid.

⁴Yoothung" phug yo, ri nei" nyid da" yoothung" phug su: gi- xung" thu' lo ri gug ci: ase' yham" yu wa zi nghoid.

⁵Byu dayoug da" myid soin: to" khyoo: joem gi- gye" no, da" gyid thung" khoug: mo gyid yo' du: nyid. Nghoid loug we' nheigloem: phajhi" boo su: gi- hau: ziri: yo" thoid shug wa nghoid.

⁶Byu yugkhang" moo" gi nyang: nyang: khayhi' deingmain" da" khyoo: yo'-nheigloem: zung" khyoo: ri tid ago". Nghoid loug deingmain" nheigloem: zung" su: ri hang" shau" myang wa la".

⁷Nheigloem: dain: lho: deingmain" da" nya: phoo yo" da" zooshang: mi" gi vhu" pi: lo, kyo' ge nyid.

⁸Khokham gi nya: da" tarha" zhungtang moo: zhoung: jo, lho: yooboo ri ca: yu" uri akhyeing" ashoeb khyoo: ri myang se' nyid.

⁹Nyang: nya: nheigloem: ung: khoug: gyeung" shang: lho: gyeing" nyang: yooboo ayoo" ga: hang" yo" tid wa lha".

¹⁰Adeing: amain" da" jang yo' laki- laleug ci: nyid mo, ri ASEING gi ngheung" nyid.

¹¹Zooshang: yi lang" nyang: koid da" lo, moo" khyo" nyang: kha: yhang: te" zi nghoid ziri toin" shed nyid. Nyang: gi deungmain" su: nghoid la,- ein: ziri nang yo" tid nyid.

¹²ASEING gi ngoonu" ri yo" myang yu wa da" myojid" yo' gyo: yu wa da" nukhyab byid: to".

¹³Nang gi yhoeb kyeing" dayhoeb, jo, rigi myoung sho" loo, wa zi za" nghoid. Moo" zoo" zei: khang ri gi zoo: noem shug phoo" agoin' ayu: yo" jo, loo wa nghoid.

¹⁴Zi qei su: gi khanham we' gu soung myo: ga: myeing" za: damyo: nyid. Nghoid loug we' houg: mo lo" lho: gu khayhi' yo" khyo' yu bye: ga: daphau: yen" da:.

¹⁵Nang citid nyid ziri nanyang: se' nghoid rigi sheing: yo' phoug" dab, thang da" lug nyoug: daja: ja: tho' re" je phoug" dab.

¹⁶Byu being" dayug da" jhen: vhu" kham: voin' su: gi nheing agyeung: su: nghoid. Houg" te" su: jang" mo, zi daja: ja: ri pakham: khyo" yu too" ca" nyid.

¹⁷Adeing: amain" khyo" yo" yu da" zigi ge thang da" zoo: shug yhang: ti" ngham" nghoid loug we' thang: phyang" gi danhoid goin" midcoo: yhang: ti" bue" loo wa nghoid.

¹⁸Ge da" phajhi" byid: dang: ri gyo: yu we' houg: lang" gi nang moo: oung: doid loo" wa zi nghoid. Goo" lhoo: asoin' ci: zi gyi khaid age yhi.

¹⁹Gei sang: da" dang: gi khanham we' ayo" yhoem" shoung: too"- Dang: soung ji mo, jang" mo, vi" vi: moo: nyid we'.

²⁰Re" da" myhi' pho, tang: ri nang nheung" nyid nghoid rigi re" kangso' ri moug: coid khoug: moo: shid: byoug da" myibung: yhang: ti thang loo wa zi za: nghoid nyid.

²¹Gye" lei, khyo" yo" yu da" jonu" gi re" shid mo, akyu" yoem" gyo" loo" wa zi nghoid.

²²Shoid vhang" su: ri nanyang: latoo: aphug ASEING ri loem khau: nyid we'. Houg: lang" nyang: gi deingmain" khyo" koid byid: loo wa zi nghoid.

²³Adeing: amain" da" jang yo' laki, laleug ci: nyid mo, ri ASEING gi ngheung" nyid.

²⁴ASEING gi: ngoonu" da" khyoo: zeing ri myid phyed too" bye:. Hougsu" nghoid ri nyang: nya: da" kangso' khyoo: gi kha: shoid khyoo: yeung yhe: lo" ziri hang" se' gyoo: wa lha".

²⁵ASEING ri xoin" ngei" byid: wa shid re dangsoo" abyid: shi" ri goolhoo: zoo: myid yu" we' nang gi thang: phyang" nung myid yo" nyid wa.

²⁶Phajhi" bo da" khokham gi shoid vhang: moo" zei: nyid su: ri myang wigi nheig khyeug shoo" myen: zi aboo loo: za yooboo dam byid: loo wa zi nghoid.

²⁷ASEING gi ngoonu" ri nheigloem: yo' se' myid si' soin: yu" da" nheigloem: ri byid: too" bye:. Ngoonu" nya: gung moo: ayo" yhoem" too" nghoid da:.

²⁸Khokham gi deingmain" da" khyoo: tarha" dain: da" khyoo: yo' nyeung veung" da" khyoo: khyo" davhoeb, khang" nyid, nyid gi Nya: khoin" so, gi dageung: teung jo, wa zi nghoid.

²⁹Vedyam" da" yoem: ri ngoonu" coung" byid: lho: mang: loo" bye: da" vhu" phyu: ri phau" myang: nyid.

³⁰Dalheing: lheing: yha" da" khyoo: ri tid wa shid re dam no zi thoung" shoug" ca" nyid.