Read Lashi DANG: ZHOEM 4 Bible Online

DANG: ZHOEM 4 - Lashi bible

DANG: ZHOEM 4

¹Nga" zoo yi we"- aba" nanu" ri jhau" mho' byid: da" dang: joem ri tam" gyoo: we'. Hau: dang: khoin" joem ri xoem" ci: ge'. houg: lang" se' yeug da" lasi nanu" shoug" yu goo" wa zi nghoid.

²Nanu" ri ngoo jhau" mho' byid: da" khyoo: joem gi ge zi nghoid nyid yoomo hau: khyoo: dangain" ziri daboin: so" nyid we'.

³Nga" yhed, yo' ba" da" zooti" zoo: ngoo- nu" nain" danghoid shi" mo nga" ba" ngoo ri jhau" mho' loo bye:.

⁴Nyang: gi ngoo ri«Ngoo tid poin" jhau" byid: dang: ri boin: so" nyid we» hau: khyoo: ri khanham we' ato" myhid- nang ri ngoo tid to" da" dang: yo' dakhyoo" ti" koid nyid we' houg: lang" gi nang kangso' shoug" dei nyid wa.

⁵Phajhi" juyhi: yo' khoug: yeig lasi phajhi" ri sho: yu nyid we! ngoo tid nyid dang: khoin" joem ri ato" myid- angeug pyam.

⁶Phajhi" juyhi: ri ashe: pyam- hau: zigi nang ri: lhoug zung" goem loem byid: nyid wa nghoid. Hau: ziri dajheddab nyid we' houg: lang" nang ri gau: nyu: loo nhang: wa zi nghoid.

⁷Lasi phajhi" gi yhouggyen: thang zi nghoid yoomo hau: ziri yoo" sho' shoo: we'-nang yo" sho: yu ca" ja: tho' moo: we' nheigloem: phajhi" rigi ayo" yu agi- yoem: kaid dasho: yu we'.

⁸Hau: phajhi" juyhi: ri jheddab nyid we' nang ri nyang: gi gyi: sheung: loo nhang: wa nghoid. Nyang: ri geug vu, yu we' nang ri nyang: gi tu: to' ngi: shab byid: wa.

⁹Nyang: gi re" da" myonhoo: phung" yoeb bidmug bui" byid: nyid wa zi nghoid.

¹⁰Nga" zoo: we" nga" dang: ri tam" gyo: nyid we' nang ri ngoo tid shed da" khyoo: dangain" ri goolhoo: tam" gyoo: we' hougsu" nghoid lang" gi: nang kang sheing wa zi nghoid.

¹¹Ngoo gi nang ri jo da" kangso dei khyoo: ri jhau" byid: bye:.

¹²Phajhi" bo khyo" nang so" lo" nghoid rigi re" da" gyung: khyoo: gi khyoo: kyoo, lung: zeing aboo wa zi nghoid wigi nang gei lo" rilang" khyid: vhu" thung" wa zi anghoid.

¹³Nang shoug" jhau" kham: yu bye: da" khyoo: ri khanham we' myid boin: so" nyid we' re" da" phajhi" gi re" da" kangso nghoid yoomo hau: ziri lhoug zung" ci: we'.

¹⁴Akhyeing" ashoeb bang: so" yhe: lo" khyoo: moo: abo yhi- atarha" da" byu yi aved, ri abo cang.

¹⁵Houg: yhang te" da" moo" ri abo koid yen"- akhyeung" da" moo" ri jang" pyam we' hau: khyoo: ri ngeug pyam lho: nang so" lo" da" khyoo: moo dain: dain: daso" loo" we'.

¹⁶Akhyeing" ashoeb, da" byu yigi shoid vhang: da" moo" daja: khyalang" ashau" koid nghoid rigi nyangnu" ayo" yhoeb jo, nghoid boem ago". Byu dayug yug ri dam ayo" tab rigi nyangnu" gi ayhoeb, loo: dagyeung: nyid ago".

¹⁷Akhyeing" ashoeb ziyo' athoug" akhyoug: khyoo: joem gi nyangnu" da" zoo: noem shug phoo" ti" nyang: nghoid nyid boem ago".

¹⁸Deing: byeung" bang: da" kangso' gyung: khyoo: koem gi bidxain" so' su" nghoid nyid hau: zigi bidnyid" gung tu: lo yo, ti" je" je bang young" ju" lo nyid.

¹⁹Akhyeung" bang: da" khyoo: koem gi myen" mo moug coid khoug: yhang: ti"- teing" teing: no, jo. Nyangnu" gi leung loo" nghoid loug we' nyangnu" khyid: vhu" khayoo: thoung" lho: leung lo" ziri" asi, nghoid ago".

²⁰Nga" zoo: we"- ngoo tid da" dang: ri goolhoo: gyo: yu we'. Nga" jhoug" myeing" ri tam" gyoo: we'.

²¹Hau: ziri re" jang" mo khanham we' akang" pyam, hau: khyoo: ri re" nheigloem: ung: khoug: moo xoem" ci: we'.

²²Hau: khyoo: ri se' gyo: phoid: yu bang: hang" ri we' kangso' dei ziyo' yang" zain: khyoo: ri byid: wa zi nghoid.

²³Nang myid soin, khyoo: ri lhed nyid we' nang myid thu nyid khyoo: gi re" da" apyaid kangso khyoo: ri bui" nhang: nyid.

²⁴Adeing: amain: dang: ri khanham we' atid- mhau, fain" dang: yo' khyoo: vhang shu" vhang: lo" dang: ri khanham we' abo cang.

²⁵Deingmain" da" nheigloem: yo' shid khyoo: dain: dain: za yu" zhoug to" lho: so" loo" we'-nang sho' da" nheigloem: yo' vhu" loem ri agoem" too.

²⁶Nang koid yhe: lo" moo" zoo" khang" moo"-voin: tang: soin nyheung lho: koid we' hougsu" nang koid da" moo" ce" ja: moo: we' jo khyo" bue" thu' loo wa zi nghoid.

²⁷Akhyeung" khyoo: ri jang" pyam lho: wigi deingmain" da" khyoo: mo dabyi lang" ayam, khyoo: ayhe: nang:.