Read Lashi DANG: ZHOEM 5 Bible Online

DANG: ZHOEM 5 - Lashi bible

DANG: ZHOEM 5

¹Nga" zoo: we"- nga" da" phajhi" juyhi: yo' ung: yeig phajhi" dang: ri tam" gyo: lho: wigi nheigloem: zung" zung" nyid we'.

²Houg: lang" nang gi je, jo da" khyoo: khyo" khasu" kangso' dei nyid yab loo" wa khyoo: se' gyo: loo wa nghoid. Re" da" nhoid khoin" thui: gi re" da" lasi laleug ri ci: shoug loo wa zi nghoid.

³Goo" loug yhoem: seing: myhi' da" nhoid gi byoo yhid: yhang: ti" cau: lho: wigi zhainloin: xu yhang: ti" jhoid nyid.

⁴Nghoid youg we' hau: moo" dangain" bain thang: rigi nyang: gi nang ri nheig yo: nheig gyed" ziyo' dam, za: za: koid too" khari" wa zi nghoid.

⁵Nyang: gi nang ri shid: loo" no, lo" da- moovo moug: khyoo: shu" gyoo" loo" wa. Nyang: so" lo" khyoo: gi shid: lo" jang" khyoo: yhe: lo.

⁶Nyang: gi kangso' khyoo: moo: ayab, jo, loo- agoin: so" du: dam: yen" ziyo' nyang: moo: ce: noem bue" loo wa ziri asi.

⁷Nga" zoo: yi we"- ngoo tid dang: ri akhid" nyang: tam" gyoo: ge' ngoo tid nyid ziri khanham we' ato" myhid goo.

⁸Houg: yhang te" da" myiyi: yiri vi" vi: mo jang" pyam ge'- nya: yhoem: khoem" zeing yang: moo: lang" ajhang yhi: byid: goo.

⁹Houg: yhang te" da" khyoo: ri nang shoug" zei: nghoid rigi nang dalheing: kham: yu yu" bye: da" myonhoo: phung" yoeb ri byu gooji, yo" yu loo" wa ziyo' nheig khyeug myid abo bang: da" lo, moo apyaid ngi, shi" ri nang kangso' thang byug wa nghoid.

¹⁰Nghoid bye: tungbau byu yigi re" da" jonu" dangain" yu pyam, byid: wigi nang zei: khang lho: dayo" to" da" ziyoo joem ri we' byu gooji, yu seung: pyam byid: wa nghoid.

¹¹Nang gi nang shid lo" da" ayo, ri yhoeb cuang tho' moo nookyeing" kyeung" leung jo, wa ziyo' re" gung shoo" yo' shoogyi: joem joem: lo" byug wa nghoid.

¹²Houg: lang" nang gi: ciyoomo ngoo gi khanham we' ase' jhau" yu nyid lug lha". Byu dayug yug tid poin" tid kyeung" ziri ngoo ciwim atam" gyo: lha".

¹³Nga" sara: yi da" jhoug" nyeing" jhoug" thui: ri ngoo atam" gyo: loo nhung: lha". Nyangnu" da" jhau" da" jhau" mho' dang: ri ngoo nheigloem: aboo koid loo bye: nhung: lha".

¹⁴Ngoo gi nyeigdain tung" nyang: mo, phung: moo" moo: nyeigdain tung" sho' thu' bye:» ga wigi tid wa zi nghoid.

¹⁵Re" da" yhoem: seing: myhi' moo nheigloem: zoug jo, we' nyang: riza: re" da" jheddab myid byid: pyam we'.

¹⁶Gootu: myiyi: yi mo yo" yu da" re" zoo: yigi nang ri ce" akyu" we' yo" byid: wa zi anghoid.

¹⁷Re" zoo: yigi tungbau shid re" anghoid- nang ri bo pang" thoug lo boem wa shid re" gyi: sheung: lo boem ca" wa nghoid.

¹⁸Houg: yoomo re" yhoem: seing: myhi yo' pyoo" pyoo: nyid we' nang lo, xo' too" bye: myiyi: yo' gau yi vho: ngei nyid we'.

¹⁹Nyang: gi xaid zeing yhang: ti" young" du nyid wigi ung: nheug gyeing: su: nghoid- nya: da" sam" void, gi nang ri ngei pyoo: nhang: nyid baja" Nyang: gi nya: da" jhed khyeing: kang: khyeing: yo' nang ri lheung khoem too" baja".

²⁰Nga" zoo: we"- ci yoomo sube" yhoem: seing: myhi' da" young" du yoeb bang ri cang yu" ngei yen" lha". Ci yoomo gootu: da" myiyi: yiri re" jheddab nheigloem: gam, byid: pyam, ca" la".

²¹ASEING gi nang zei: nyid da" moo" zoo" dangain" ri myang nyid nyang: gi nang khayoo: yhi: khayoo: loo: loug we' cang yu" lhoug zung" nyid.

²²Akhyeing" ashoeb, su: da" yooboo joem gi lhid nghoid nyid. Nyangnu" gi nyangnu" da" yooboo goin' khoug: moo: myi" jo, abye: go.

²³Nyangnu" gi nyangnu" da" nheigloem: ri ayo" khang" yoomo shid: lo" boem abye: go". Nyangnu" da" atho' tid loo sho' nheig agyeung: da" khyoo: gi nyangnu" ri loeb duang: khoug: khyoo: de" kaid pyam, wa nghoid.