Read Lashi SHOLUMON JIKHOIN" 7 Bible Online

SHOLUMON JIKHOIN" 7 - Lashi bible

SHOLUMON JIKHOIN" 7

¹Myiyi: zoo: nang gi gye" young" nhung: Khyid: zhung" zhoung" ci: ri re" khyid: gye" sam" dab da:. Re" tang" boug" gi soolhoo: lo, moo" se' su: koid to" ziyo' du da:.

²Hougmoo khanham we' athang da" nam pyo: zabyid yhid: bo da" goem jo, da:. Hougmoo: myioeb bain: yo' lheing khab' to" da" sungsoo: boem jo, da:.

³Re" noug" gi xaid zoo: zoem" tang: yo' du. Shoocid: zoem" yo' we' du.

⁴Re" leingzeing: gi xang: zei pyuzung yo' du da:. Re" myojid" gi Heshbon voomoo" khyam: khoem" yam moo jo, da" gyid thoem" yo' du da:. Re" nhoo: gi Damasku khyoo: shu: yab jo, da" Lebanon pyuzung yhang: ti" yu" jhed latung" zi nghoid da:.

⁵Re" vhuloem myhang: zigi Kharmela boem yo' du nyid da:. Re" xam: zeig to" zigi ge thang da" tung: sang" khyeing: yo' du da:. Hau: da" young" zigi khokham rilang" yo" tei" shab too" bye: zi nghoid.

⁶Nang gi gye" young" nhung: gye" young" nhung: re" jheddab myid gi gye" joeb byeung" nhung: lha".

⁷Nang gi thab gam yhang: ti" sam" dab wigi re" noug" gi hau: da" ashi" joem yo' du nyid da:.

⁸Ngoo gi hau: thab gam moo do, wigi ashi" joem ri phyo' wa zi nghoid. Nga" shid re" gi re" noug" joem gi zabyid shi" kung: yhang: ti" re" so' gi shisang" so' yo' du nyid ziyo' re" nhoid gi ge thang da" zabyid yhid: yo' du da:.

⁹Hau: thang: zabyid yhid: gi nga" jhed jang" khyoo: yau loo" nhang: wigi nya: nhoid kug yo' zei joem moo youg gyoo" nhang: wa zi nghoid.

¹⁰Ngoo gi nga" jhed wigi seung: ci: su: nghoid. Nyang: gi ngoo ri vho: nyid da:.

¹¹Nga" nheugdeug we"- ri" we' vooyam khyoo: thu yhi: shang. Voogung cang myen" nyid lhid: kaid shang.

¹²Nyhang" gi no' mo to' wigi zabyid khyam: khyoo: yhi: yu" shang. Zabyid gam joem agyi: shi" la'- gyi: bye: la'- aboo" aboo" shi" la'- boo" bye: la'- lamei shigam aboo" aboo" shi" la'- boo" bye: la' yhe: yu" shang. Houg: moo ngoo nang ri nga" jheddab myid ab byid: wa.

¹³Nang gi gyo, yen" gam shoem: yo' nyha" khoem" duang: nam moo jo, da" shi" aja: ja: da" shoem: shoug" nam wa zi nghoid. Nga" jhed we" ngoo gi re" shid re" nam pyo: shoem: axoug" yo' aseig ri to" too" byid: bye:.