Read Lashi SHOLUMON JIKHOIN" 8 Bible Online

SHOLUMON JIKHOIN" 8 - Lashi bible

SHOLUMON JIKHOIN" 8

¹Ngoo gi nang ri nga" yhid noug" shoin" mang: nhung" yhang: ti" bui" nhang: nau zi nghoid. Hougsu" nghoid lang"- ngoo nang ri khyoo: moo shoug" go" uri babug bug nghoid loug we' hang" nheig yoo: wa zi anghoid.

²Ngoo gi nang ri nga" yhid da" yhoem: khyoo: shu" lo" wigi nang ngoo ri jheddab myid yo' jhau" byid: wa zi nghoid. Ngoo gi nang ri nam pyo: zabyid yhid: byid: wigi nga" lamei shi"- zabyid yhid: ri byid: jhug wa zi nghoid.

³Nya: lo, kung" lo, gi nga" vhuloem vhoo: moo kaid to" wigi lo, yo lo, yo' ngoo ri po: ci: wa zi nghoid.

⁴Yerusalem mo myiyi: zoo: yi we" nanu" gi ngoonu" da" jheddab myid ri alhu: nhung" wa ein: ngoo ri dangsoo" byid: we'.

⁵Nya: jhed yo' lo, zei: go" wigi myid coo: boem khyo" lo nyid su: gi hang" nghoid lha". Nang khu: da" joyoo he: da" shi" sang" gam gyid" moo nang ri ngoo nhoug" too' bye: zi nghoid.

⁶Nang gi nga" re" nghoid nyid yoomo gooyug ri jheddab myid acang byid: yen". Re" lo, gi hang" ri we' azei: ngoo ri za: zei: we'. Jheddab myid gi shid: gyoin' noo gyoin da" yoem: so' yo' du nyid da:. Jheddab kang: tei" khyoo: gi nyang: gung nyang: ri yo" shid: nhang: da" yoem: so' bo nyid da:. Hau: zigi myi: yhang: ti" nge" boug lo lho: gye" thain: da" myi: yo' du nyid da:.

⁷Hau: ziri gyid yo' we' ayo" said nghoid da:. Tigyid yo' we' ayo" nghoeb pyam nghoid da:. Nyangnu" ziyoo ngei sheing: yo' jheddab myid ri qei wa shid re" yoem: kaid nghoid loug we' nyangnu" dangain" wigi avhoo: angei zi kyeing" shoug" wa zi nghoid.

⁸Ngoonu" moo ngoonu" da" nya: nhung" myiyi: zoo: dayug nyid. Nya: noug" ngei shi" zi nghoid da:. Yuggi nu" ri mho' uri nya: shid re" ngoonu" khasu" koid wa lha".

⁹Nyang: vang khyam: nghoid rigi ngoonu" nyang: ri ngei gyi pyuzung koid byid: wa. Nyang: vang khoem" nghoid rigi ngoonu" nyang: ri shamu thi" khyam" yo' kyam' go too" wa zi nghoid.

¹⁰Ngoo gi vang khyam: nghoid wigi nga" noug" gi hau: da" gyi pyuzung nghoid nyid da:. Ngoo gi nga" jhed gi nyang: yo' dage" nghoid ri ngoo ngei pyo: yug yoo nyid ein: ziri nyang: se' nyid da:.

¹¹Sholumon gi Bala Hamon ga: da" jhang: moo zabyid khyam: dakhyam: yo" da:. Houg: moo moo" zei: wa byu yiri nyang: shu" to" wigi yugkhang" moo" ri ngei pyi" dakhyeing" khyeing" byid: da:.

¹²Nga" jang" moo ngoo seing: da" zabyid yoo dakhyam" jo,. Sholumon gi ngei pyi" dakhyeing" yo' khab' yu nghoid loug we' ngoo gi moo" zei: bang: ri eig shoo: shoo: byid: wa zi nghoid.

¹³Nga" jhed we" hau: khyam: khoug: mo re" thui: ri ngoo ri shoug" gyoo: nhang: we'. Nga" byencang" yi we' re" dang: thui: ri tam" gyoo: wa shid re" lang" nyid boem ago".

¹⁴Nga" jhed we" lobain gam yug da" boem moo xaid zoo: yhang: ti" we' shoocid: loo: yhang: ti" we' nga" jhang khyoo: re" loo we' o".