Read Lashi ESAIA 20 Bible Online

ESAIA 20 - Lashi bible

ESAIA 20

¹Asuri khosen Sargon da" amyeing" khyo" Asuri gyizoug: moo" gi Philisti yi da" voomoo" Ashdod ri gyi yhe: zain: da:.

²ASEING gi soem" zain shid" lho: Amoz da" nya: yuggi zoo: Esaia ri nyang: void ci: da" jid: moo" mi joem yo' khyid: zhung" ri khyoid pyam wa shid re" tid da:. Nyang: gi tid dang: tam" gyo: wigi shoocen: doem- khyid: cen: so" lheing: yen" da:.

³Ashdod ri myheig loo" shoug" lang" ASEING gi nga" dei zoo: Esaia gi shoocen: doem- khyid: cen: so" lheing yen" zi soem" zain nghoid bye:. He: zigi Egutu yo' Etiopi bue" loo wa avoid asoo" nghoid.

⁴Asuri khosen gi he: mungdain: eig loem mo nyang: myheug yu da" thung: byu yiri shoocen: doem shu" lo" byug wa. Nge zoo gyi: zoo: nyangnu" gi cug pung: di: di: shoocen: doem khyid: cen: khyoo: so" loo goo" wa. Egutu ri sho' phu" nhang: wa.

⁵Etiopi moo nyid wigi Egutu da" khyoo: ri phau: da" bang: gi sho' phu" wa. Nyangnu" da" myid lang" nyid khyoo: gi nheig coid nuyug jhoid bue" lo" byug wa.

⁶Hau: ayo, ju" loo lang" Philisti mung" gyid yam cang nyid bang: gi ‹Asuri khosen lo, mo ngoonu" ri goem loem byid: wa ngoonu" myid loem to" da" byumyu" yi adang mo ci bui" bye: ziri yu" ge'. Ngoonu" khasu" yo" nyid deing wa la"»› ga: tid loo goo" wa.