Read Lashi ESAIA 39 Bible Online

ESAIA 39 - Lashi bible

ESAIA 39

¹Hau: ayo, moo Babelon khokham Merodag Baladan ga: da" Baladan nya: zoo: gi khokham Hezekia no da" khyoo: ri shoug" gyoo: lang" mougsoug" yo' jhungshug nyang: ri foin: byid: da:.

²Hezekia gi lagyoo: yiri lhoem: tau yu lho: nya: da" jonu"- ngei- sheing:- nya: zooxoin" yo' shoem:- nam pyo: ja:- nya: da" gyizi gyikhoo: dangain" houg bang: ri ci: shug da:. Nya: jhi: joem moo yo' mungdain: khoug: gootu: joyoo mo we' houg bang: ri aci: shug zi dakhyi' we' adeing nghoid da:.

³Hau: thang: Lapi: Esaia gi khokham Hezekia jhang yhe: lho: «Hid bang: khamo ju" re" wigi nang ri ci: re" tid boem ago" la"» ga: myid: da:. Hezekia gi «Nyangnu" gi gye" ve: da" Babelon mung" mo ju" ri" bang: nghoid ago"» ga: tu" da:.

⁴Nyangnu" khokham kho" moo cimyang ago" lha". Nyangnu" ja: khang" moo" ri myang abye: go" da:. Jhi: moo jo, zi ngoo nyangnu" ri aci: shug zi ci: we' ajo, loo:

⁵Hau: thang: Esaia gi khokham phoo ri «Myhang: thang ASEING tid.

⁶Re" khokham kho" moo jo, gu: ja: khang" moo" akhid" nyid" ju" sho' re" phoug" phyid" yi yung: to" boem da" zi ja: khang" moo" ri Babelon khyoo: yu lo" da" ayo, ju" re" nyid da:. Ci: we' adeing wa.

⁷Re" amyed ashen seing: yi dayham" ri shu" lo" byug wigi Babelon khokham da" khokham kho" moo dei byid: wa da" Unug koid pyam ri" goo" wa» ga: tid.

⁸Khokham Hezekia gi nya: pyaid moo ngei pyo: yug yo lho: goem loem wa nghoid ga: da" he: dang: kang: ri se' gyoo: bye:. Houg: yoomo nyang: gi «Nang ngoo ri re" byid: da" ASEING mo mungdang: gi ge da:» ga: phug tid da:.