Read Lashi YEREMIA 45 Bible Online

YEREMIA 45 - Lashi bible

YEREMIA 45

¹Yoshia nya: zoo: Yehoiakim Yuda khokham koid zi myid: zain ein: zain moo Barug gi nyang: ri ngoo nghab byid: ziri lhid" to" da:. Hau: thang: ngoo gi nyang: ri

²Israela ASEING Mangsoo tid to" khyoo: ri tid kyoo" bye:. Hau: zigi «Barug

³nang gi ‹Ngoo asoem" byid:- ASEING gi nga" yau: khe" kyi" khyeug shid re" kougshu: khyoo: lung: byid: da:. Nga" kougshu: khyoo: gi thang byug bye:. Ngoo gi dougnoo: wa dajhi' we' ajo,» ga: tid nyid da:.

⁴Nghoid loug we' ngoo ASEING gi ngoo zhug too" bye: da" ziri baid phyo' pyam wigi ngoo zhung" to" da" agam ri noid, pyam wa. Ngoo gi he: khyoo: ri mougmyid gyab goin" moo koid wa.

⁵Nanya: shid re" gooki lhid khyoo: ri shoo: wa la". Hougsu" akoid. Ngoo gi byu dangain" bang: adang moo yau: khi" ci: loo byid: wa nghoid loug we' nang gi khakhyoo: loo" loo" neing: thang nanya: apyaid yo" loid wa. Ngoo ASEING tid too" bye:.