Read Lashi NGOUG JI: 5 Bible Online

NGOUG JI: 5 - Lashi bible

NGOUG JI: 5

¹O" ASEING we"- ngoonu" moo: bue" lid: loo: bye: ziri myid boin: we'. Ngoonu" ri yu" lho: ngoonu" da" ngi: yoem" khyoo: ri myang byid: we'.

²Ngoonu" da" jonu" joem gi tungbau byu being" yi lo, moo ju" jo, bye:. Ngoonu" da" yhoem: khoug: moo nyid nyid ago".

³Ngoonu" da" nya: phoo yi gi gyivoo joem wigi said pyam zi shau" bye: ngoonu" da" nya: myhi' yi we' cougmoo" mo" nyid abye: go".

⁴Ngoonu" shoug da" gyid we' aphoug" byid: ca". Ngoonu" thang" ri qei nghi' ca" boem bye:.

⁵Ngoonu" gi loo zei: joem Gola-ug yo' dakhyoo" ti" baid koin" zi shau" boem bye:. Myung: boem bye: nghoid loug we' no: yu wa akhang" abyid: nghoid ago".

⁶Ngoonu" gi kangso yo" dei nyid wa shid re" Egutu byu yi yo' Asuri byu yi jang" moo voem: yhe: hei: yen" boem.

⁷Ngoonu" da" phoug" phyid" yigi yooboo shoid vhang: boem wigi shid: loo" boem bye:. Nyangnu" da" yooboo yoomo ngoonu" kyi" khyeug kham zo: nyid.

⁸Ngoonu" da" vhoebkhang" bang: gi join yi tho' je agi. Nyangnu" da" lo, mo ngoonu" ri khyoid yu wa byu hang" anyid.

⁹Siyoo voogung moo: byu said mo, so" yen" ago". Ngoonu" gi zoo: noem shoo: zo: yen" boem uri ngoonu" da" kangso' we' alug lug ci: phyug pyam boem bye:.

¹⁰Zoo gye" yoid shang" loo yoomo ngoonu" gi noo bau boem bye:. Houg: yoomo ngoonu" shooyid gi myikhyoem yhang: ti" nge" nyid.

¹¹Ngoonu" da" yhoem: seing: myhi' yigi Ziun boem moo doin: zeug rue" yu zi shau" boem ago". Yuda voogung khang" moo" moo: ngoonu" da" myiyi: nu" yigi agyoo: ayoid doin: zeig zo: zi shoug" nyid ago".

¹²Ngoonu" da" vhujhung: yigi myheug yu lho: cu" said pyam zi shau" boem ago". Ngoonu" da" apyaid gyi: bang: ri we' aphoug" akhyoid koid ago".

¹³Ngoonu" da" zoolu: yi rigi join yhang: ti" ayoid ayu" lug lheing: zeing ri gyeig nhang: boem. Yug gi nu" yigi ayo" voin da" thang" voin ri voin leung yen" ago".

¹⁴Mang: zoo: yigi voogung khoem" moo" duang: moo: azhoung: jo, boem loo:. Zoolu: yigi coung" nghei' thui: ri ayhang: loo: nghoid ago".

¹⁵Ngei pyo: khyoo: ga: zigi ngoonu" da" apyaid moo: bei: byug bye:. Koug shu: zigi ngoonu" go" nhoin jang: moo joyoo thid yu lo" byug bye:.

¹⁶Ngoonu" phau: khuang khyoo: gi daja: we' adeing loo. Ngoonu" da" shoid vhang: yooboo yoomo akhid" ngoonu" gi byuxuid" vooyoem: lo" byoug boem bye:.

¹⁷Ngoo nu" gi nheigloem: kang moo no nyid wigi ngoonu" ngoug byid joem khyo" ayo" yu" kyang kaid boem loo: nghoid ago".

¹⁸Khasu" wim ga: ri Ziun boem gi jham" coug: youg bue" lo" byug bye:. Siyoo mo khuidkoo" joem gi hau" da" byo yoin" boem tho' moo: so" yen" ago".

¹⁹Nghoid loug we' O" ASEING we"- nang gi apyaid atoo: mo khokham nghoid nyid. Houg: yoomo yo, boin: thang sho' nang vhoebkhang" nyid wa zi nghoid.

²⁰Nang ciyoomo ngoonu" ri houg: myhang ju" sho' she: pyam to" lha". Nang gi ngoonu" ri doem myid boin: shi" wa la".

²¹ASEING we"- ngoonu" ri re" jhang khyoo: doem shu" tau" yu we' ngoonu" ri doem shu" tau" yu we'. Ngoonu" ri goonham gooco' mo myonhoo: phung" yoeb ri doem tau" bang nhang: we'.

²²Anghoid lang" gi nang gi ngoonu" ri apyaid atoo: moo: ngeig he: pyam bye: zi nghoid la". Re" nheig yo: khyoo: gi thang ga: zi ajo, loo: rhe".