Read Lashi EZEKIEL 15 Bible Online

EZEKIEL 15 - Lashi bible

EZEKIEL 15

¹ASEING gi ngoo ri dang: tid da:.

²Nyang: gi «Shid: se' da" byu we"- zabyid nei yo' seiggam khasu" yo" tu' goo" wa la". Siyoo mo seiggam joem yo' tu' go" da" zabyid nei mo akung: dakung: gi ce: akyu" bo la".

³Hau: ziri daja: ja: koid wa shid re" nang yo" ci: la". Nang gi hau: ziri zi lhang" wa kyo" khyalang" yo" koid lha".

⁴Hau: zigi myi: moid wa shid re" za: dage da:. Houg: lho: athang: joem myi: dab lo wigi agung moo nge" joem: pyam lho: nang hau: ziri daja: ja: yo" koid la".

⁵Hau: zigi ange" byug shi" rilang" ce: akyu" aboo nghoid da:. Akhid" hau: zigi myi: nge" pyam wigi myi: moeb bue" byug bye: yoomo hau: zigi je akyu" aboo loo: nghoid da».

⁶Akhid" he: zigi yoem: moo" bo ASEING tid nyid zi nghoid. «Zabyid nei danei ri siyoo mo yu lo wigi nghe' pyam yhang: ti"- ngoo gi Yerusalem moo nyid da" byu yiri shu" yu wigi

⁷Nyangnu" ri yooboo dam byid: wa. Nyangnu" gi myi: mo phang: loid loo" bye: nghoid loug we' akhid" nyangnu" ri myi: nghe' pyam wa. Ngoo nyangnu" ri yooboo dam byid: uri ngoo ASEING nghoid ziri nanu" se' loo goo" wa.

⁸Nyangnu" gi ngoo ri jhug azug nghoid ago". Houg: yoomo ngoo gi hau: mungdain: ri dain" pyoid yoo koid pyam byid: wa» Yoem: moo" bo ASEING tid bye:.