Read Lashi HOSEA 3 Bible Online

HOSEA 3 - Lashi bible

HOSEA 3

¹ASEING gi ngoo ri «Doem yhe: wigi jheddab su: dayug yo' myi: shoid lang shoid da" myiyi: ri jheddab myid yhe: toin" shed we'. Israela byumyu" gi gootu: yu phara" joem shoid khyoo: lheing: lo" lho: soolhoo: joem ri zabyid kyug joem ri shugbyid: boem sho' nghoid loug we' ngoo dajheddab nyid nyid shi" yhang: ti" nang we' nyang: ri jheddab ca"» ga: tid da:.

²Hougsu" yoomo ngoo gi ngei daxe: wim: pyi" yo' Yoono, 7 tang yo' nyang: ri qei yu bye:.

³Nyang: gi shava myhi' we' akoid- myi: shoid lang shoid khyoo: we' akoid loo: za: myang" sho' ngoo ri lang" nyid ca" wa ein: ngoo nyang: ri tid bye:. Hau: ayo, gu: ri ngoo gi nyang: ri lang" nyid wa nghoid.

⁴Israela byumyu" yi we' hid: yo' dakhyo" nyang: ayo, myang" sho' khokham we' ayoo"- vhu" shi: bang: we' anyid- xoin" we' angei" byid:- gyeung" shang: lug zeingboung: joem we' ajo,- boid phyed wa yu phara" soolhoo: joem yo' gung du: soolhoo: joem we' ajo, loo: yo" nyid re" goo" wa.

⁵Nghoid loug we' Israela byumyu" yigi nyangnu" da" ASEING Mangsoo yo' nyangnu" da" khokham David da" amyed ashen" yi jhang khyoo:- doem lheing: tau" lo da" ayo, ju" loo goo" wa. Hau: thang: nyangnu" gi ASEING ri gyoug phoug" wigi nya: da" jhungshug gi joem ri shoug" kham yu loo wa.