Read Lashi YONA 2 Bible Online

YONA 2 - Lashi bible

YONA 2

¹Yona gi hau: wimdo, voem: doug: khoug: mo nya: ASEING Mangsoo ri akyu" mho' nyid.

²«O" ASEING we" ngoo yau: khi" shoug" nyid jang" mo nang ri ngoo nyho: yoid nyid ri nang ngoo ri tam" gyoo: byid:. Moovo moug: thi" mo pang" thoug wa shid re" ngoo yoid nyid uri nang gi nga" thui: ri tam" gyoo: byid: bye:.

³No, thang da" panglai: gyid thoem" thi" khyoo: nang ngoo ri du" zei kaid bye:. Hau joyoo mo gyid gi ngoo ri lheung khoem to" lho: re" da" gyi: thang being: mhoid joem dangain" nga" da" atho' moo doin: lhoem" nyid abye:.

⁴Ngoo koem' gi re" shidkhoin" mo khaid thu pyam zi shoug" bye:. Re" da" gyeung" shang: Noku Yhoem: Moo" ri doem shau" myang loo: wa zi anghoid ein: myid pyam bye:.

⁵Gyid gi ngoo ri nhau' pyam wigi ngoo ri so' thang thang nhang: bye:. Panglai: gi ngoo ri nhau' pyam bye:. Nga" vhuloem moo panglai: gyid myo, nei joem baid yeug gyoem" too" bye:.

⁶Boem joem da" apoem: moo ju" sho' ngoo gyoo" loo" bye:. Mougmyid khoem" kyang joem gi ngoo ri pyaid goin" kyang lhoung to". Nghoid loug we' o" ASEING Mangsoo we"- nang gi ngoo ri dei noem ung: mo doem xue: yu byid: la.

⁷Nga" kangso' ci: phyug lo" nyid ti" kham zo: uri O" ASEING we" nang ri ngoo mho' yoid nyid. Nga" akyu" mho' da" dang: thui: ri re" gyeung" shang: Noku Yhoem: Moo" mo nang ngoo ri tam" gyoo: byid: bye:.

⁸Ce" phoug" adab da" yu phara" soolhoo: no' mo, gi nang ri: dang: azung" boem loo:.

⁹Nghoid loug we' ngoo gi nang ri coung" nghei lid jhoem" kaid wa. Ngoo nang ri xoin" too byid: wa. Ngoo tid to" da" dangsoo" ri ngoo zei: pyeing: byid: wa zi nghoid. Khyoid yu khyoo: gi ASEING jang" mo ju" re" da» ga: tid.

¹⁰Houg: lang" ASEING gi Yona ri tunggung moo yhe: doug thu kaid wa shid re" hau: wimdo, ri tid wigi nyang: gi hougsu" koid bye:.