Read Lashi GYUNG: SOO" 17 Bible Online

GYUNG: SOO" 17 - Lashi bible

GYUNG: SOO" 17

¹ASEING gi Moshe ri

²«Byumyu" kung: khang" moo" mo vhujhung: dayug ri da loem: loem: lhamdung: daxe: eig loem: nang ri byid: wa shid re" Israela byumyu" yiri tid we'. Nyang: nya: Lhamdung: moo: nya: myeing ri yugkhang" moo" lhid" tab wigi

³Levi akung: yi da" gungthid lhamdung: moo Arun da" myeing ri lhid" tab too" we'. Akung: khang" moo" mo vhujhung: yi shid re" lhamdung: daloem: loem: nghoid wa.

⁴Hau: joem ri nga" shidkhoin" Zoem" khyoo: ci yhe: wigi nang ri ngoo shau" da" joyoo Dang: Theing Kuid: shid vhu" moo yhe: too" we'.

⁵Hau: thang: ngoo khyen: yu yug da" lhamdung: gi anyug thu toid loo wa. Hid: khyo" wigi he: Israela byumyu" yi re" eig tang: ri xo' wigi thougtheung myeing" myo: da" ziri ngoo toem pyam wa» ga: tid.

⁶Houg: yoomo Moshe gi Israela byumyu" yiri tid kyo" lho: nyangnu" vhujhung: byu kung: khang" moo" mo lhamdung: dakung: mo daloem: loem: dangain" daxe: eig loem: nyang: ri byid: ago". Arun da" lhamdung: we' hau: joem dage" nghoid nyid da:.

⁷Hau: thang: Moshe gi lhamdung: dangain" ziri Zoem" khoug: ASEING da" Dang: Theing Kuid: shid vhu" moo: yhe: to" da:.

⁸Thang: nyid" Moshe gi Zoem" khyoo: vang yhe: yu" ri nyang: gi Levi akung: da" gungthid nghoid da" Arun da" lhamdung: moo: anyug toid jo, ziri yhe: myang. Hau: zigi aboem: boem: aboo" bo" lho: batain shi" myheing zei: jo, da:.

⁹Moshe gi hau: lhamdung: dangain" ri yu wigi Israela byumyu" yiri ci: shug bye:. Nyangnu" hau: ziri myang ziyo' vhujhung: khang" moo" gi nyang: yug nya: da" lhamdung: ri doem yu loo" bye:.

¹⁰ASEING gi Moshe ri «Arun da" lhamdung: ri Dang: Theing Kuid: shid vhu" moo: doem to" too" we'. Hau: zigi thougtheung gyi koid da" Israela byumyu" yiri nyangnu" thougtheung myeing" myo: da" khyoo: atheing: pyam nghoid rigi shid: ri" goo" wa ga: ziri tid poin" byid: da" khyo" zoem: too" wa zi nghoid» ga: tid.

¹¹Moshe gi ASEING amyeing" byid: ziyo' dayhang: ti" koid bye:.

¹²Israela byumyu" yi Moshe ri «Ngoonu" gi bain shid: doem: lo" nyid bye:.

¹³Zoem" khyoo: tain" yhe: da" yugkhang" moo" shid: ca" wa nghoid rigi ngoonu" dangain" bang: shid: thang boem zi nghoid wa la» ga: tid.