Read Lashi GYUNG: SOO" 2 Bible Online

GYUNG: SOO" 2 - Lashi bible

GYUNG: SOO" 2

¹ASEING gi Moshe yo' Arun tang: ri vhoo: moo: tid to" da" pyeing: dang: joem ri byid: da:.

²Israela byumyu" yi dab koid uri yugkhang" moo" gi nyang: yug nya: kho' to" da" phung: dungkhoin: yo' nyang: yug nya: byu kung: da" dungkhoin: yang: moo: dab koid wa zi nghoid. Dab ri zoem" lheing khab moo koid wa zi nghoid.

³Yuda moo: kho' to" da" dab bang: gi bidthu shoid mo nyangnu" da" dungkhoin: yang: moo: vhoo: moo lhid" to" ziyo' dakhyo" nyangnu" da" phung: joem ri nyangnu" da" vhujhung: yi vhoo: moo: dab koid wa zi nghoid. [Akung:] — [Vhujhung:] — [Nghab youg] Yuda — Aminadab da" nya: yuggi zoo: Nashon — 74,600 Ishakha — Zua da" nya: yuggi zoo: Nethanela — 54,400 Zebulun — Helon da" nya: yuggi zoo: Eliab — 57,400 -- — Dangain" — 186,400 Yuda moo: kho' to" da" dab bang: gi xang: shi" yhe: loo" wa zi nghoid.

¹⁰Ruben moo: kho' to" da" dab bang: gi mougpyi: shoid mo nyangnu" da" dungkhoin: yang: moo: vhoo moo: lhid" to" ziyo' dakhyo" nyangnu" da" phung: joem ri nyangnu" da" vhujhung: yi vhoo: moo: dab koid wa zi nghoid. [Akung:] — [Vhujhung:] — [Nghab youg] Ruben — Shedura da" nya: yuggi zoo: Elizura — 46,500 Simun — Zurishadai da" nya: yuggi zoo: Shelumila — 59,300 Gad — Duela da" nya: yuggi zoo: Eliasab — 45,650 -- — Dangain" — 151,450 Ruben moo: kho' to" da" dab bang: gi asoo" eig moo: yhe: loo" wa zi nghoid.

¹⁷Hau: thang: xang: shi" eig dab yo' thang: mo eig dab agyoo: moo: Levi dab bang: gi zoem" vu, wigi soo" wa zi nghoid. Dab khang" moo" gi nyheing to" ziyo' dakhyoo" ti" za: nyang: tu: nya: dung khoin: yang: moo: joyoo yu wigi so" yhe: wa zi nghoid.

¹⁸Ephrim moo: kho' to" da" dab bang: gi bidvang shoid mo nyangnu" da" dung khoin: yang: moo: vhoo moo lhid" to" ziyo' dakhyo" nyangnu" da" phung: joem ri nyangnu" da" vhujhung: yi vhoo: moo: dab koid wa zi nghoid. [Akung:] — [Vhujhung:] — [Nghab youg] Ephrim — Amihu da" nya: yuggi zoo: Elishama — 40,500 Manashe — Pedazura da" nya: yuggi zoo: Gamalela — 32,200 Benyamin — Gideoni da" nya: yuggi zoo: Abidan — 35,400 -- — Dangain" — 108,100 Ephrim moo kho' to" da" dab bang: gi asoo" soem" moo yhe: loo" wa zi nghoid.

²⁵Dan moo kho' to" da" dab bang: gi mougzhung: shoid mo nyangnu" da" dungkhoin: yang: moo: vhoo moo lhid" to" ziyo' dakhyo" nyangnu" da" phung: joem ri nyangnu" da" vhujhung: yi vhoo: moo: dab koid wa zi nghoid. [Akung:] — [Vhujhung:] — [Nghab youg] Dan — Amishadai da" nya: yuggi zoo: Ahiza — 62,700 Ashe — Okhran da" nya: yuggi zoo: Pagila — 41,500 Naphtali — Enan da" nya: yuggi zoo: Ahira — 53,400 -- — Dangain" — 157,600 Dan moo kho' to" da" dab bang: gi lo" thang moo yhe: loo" wa zi nghoid.

³²Israela byu yi phung: yo' phung: kho' wigi dab joem moo myeing kaid bang: dangain" gi 603,550 yug nghoid da:.

³³ASEING wigi Moshe ri amyeing" byid: ziyo' dakhyo" Levi byumyu" yigi deing da" Israela byumyu" yi yo' dage" myeing koid: yu zi ashau" goo" nghoid da:.

³⁴Houg: yoomo Israela byumyu" yigi ASEING wigi Moshe ri tid da" moo" ja: khang" moo" ri koid boem bye:. Nyangnu" gi nyangnu" nya: dungkhoin: yang: moo dab koid wigi nyangnu" nya: akung: yo' dage" gyung: soo" boem bye:.