Read Lashi GYUNG: SOO" 26 Bible Online

GYUNG: SOO" 26 - Lashi bible

GYUNG: SOO" 26

¹Lang: yoem" bue" thang: ri ASEING gi Moshe yo' Arun nya: yuggi zoo: Eleaza ri

²«Israela byumyu" shava phung goin" mo gyi khaid ge" da" yuggi yi apyaid eig xi: zain yo' eig xi: zain tho' gyi: da" mo, ri zhayhen" koid: yu ge'» ga: tid.

³Moshe yo' Eleaza gi tid dang: tam" gyo: wigi hau: apyaid yam" mo, yuggi dangain" ri khe: zheing" yu ago". Nyangnu" gi Yerikho mo Yodan gyid lang thei: tab Moba jang: pa: moo phung: foem: nyid boem. Hid: bang: gi Egutu mo phang: thu lo da" Israela byumyu" yi nghoid.

⁴

⁵Ruben kung: (Ruben gi Yaku da" zooshid" yuggi zoo: nghoid da) mo Hanug- Palu

⁶Hezron- yo' Khami kung: bang: nghoid ago".

⁷He: kung: gu: mo yuggi 43730 yug nghoid.

⁸Palu da" amyed ashen yigi Eliaba.

⁹Eliaba da" yuggi zoo: yigi Nemuela- Dathan yo' Abiram nghoid ago". (He: Dathan yo' Abiram gi shava byu phung: goin" wigi khyen: to" ago". Nya: eig yug gi Lora bang: ASEING ri thougtheung gyi koid uri Moshe yo' Arun ri thougtheung lho: Kora da" phung: khyoo: vang su: eig yug nghoid.

¹⁰Myid gung gyam: re" wigi nya: eig yug ri myhau: pyam da:. Houg: lho: myi: wigi byu 250 yug ri nghe" pyam uri nya: eig yug gi Kora yo' nya: thang: cang mo, yo' dage" shid: lo" ago". Nya: eig tang: gi byu yi shid re" zid" nhang: khyoo: bue" loo bye:.

¹¹Nghoid loug we' Kora da" nya: yuggi zoo: yigi said pyam zi ashau" nghoid ago")

¹²Simun akung: ako' mo Nemuela- Yamin- Yakhin

¹³Zera yo' Shaula da" akung: ako' yi nghoid.

¹⁴Hid: bang: mo yuggi 22,200 yug nghoid.

¹⁵Gad byumyu" kung: mo Zephon- Hagi- Shuni-

¹⁶Ozni- Eri-

¹⁷Arod yo' Areli da" akung: ako' yi nghoid.

¹⁸Hid: bang: mo yuggi 40,500 yug nghoid

¹⁹Yuda byumyu" kung: mo Shela- Pereza- Zera- Hezron yo' Hamula da" akung: ako' yi nghoid. (Yuda da" nya: yuggi zoo: yi mo Era yo' Onan eig yug gi Khanan Mung" moo: shid: ago".)

²⁰

²¹

²²Hid: bang: mo yuggi 76,500 yug nghoid.

²³Ishakha byumyu" kung: mo Tola- Pua-

²⁴Yashub yo' Shimron da" akung: ako' yi nghoid.

²⁵Hid: bang: mo yuggi 64,300 yu nghoid.

²⁶Zebulun byumyu" kung: mo Sered- Elon yo' Yalela da" akung: ako' yi nghoid.

²⁷Hid: bang: mo yuggi 60,500 yug nghoid.

²⁸Manashe yo' Ephrim eig yug nya: phoo nghoid da" Yoseb byumyu" kung: joem

²⁹Manashe byumyu" kung: Manashe da" nya: yuggi zoo: Makura gi Gilead da" nya: phoo nghoid lho: he: vhoo: mo akung: ako' yi da" phoug" phyid" gi Gilead nghoid.

³⁰Houg bang: gi Ieza- Heleg

³¹Asriela- Shekhem

³²Shemida yo' Hepha da" akung: ako' yi nghoid

³³Hepha da" nya: yuggi zoo: Zelophehad gi yuggi zoo: ayoo" nghoid loug we' myiyi: zoo: yi kyeing" yo" wigi nya: tang: ho' da" myeing gi Mala- Noa- Hogla Mikha yo' Tirza bang: nghoid.

³⁴Hid bang: mo yuggi 52,700 yug nghoid.

³⁵Ephrim byumyu" kung: mo Shuthela- Bekha yo' Tahan da" akung: ako' yi nghoid.

³⁶Eran akung: ako' gi Shuthela mo gyoo" loo bang: nghoid.

³⁷Hid: bang: mo yuggi 32,500 yug nghoid. Hid: bang: gi Yoseb mo byo gyoo" loo bang: nghoid.

³⁸Benyamin byumyu" kung: mo Bela- Ashbela- Ahiram-

³⁹Shephupham yo' Hupham da" akung: ako' yi nghoid.

⁴⁰Arda yo' Naman ko' mo mo, gi Bela mo byo: gyoo" loo mo, nghoid.

⁴¹Hid: bang: mo yuggi 43,600 yug nghoid.

⁴²Dan byumyu" kung: mo Hushim da" akung: ako' nghoid.

⁴³Hid bang: mo yuggi 64,400 yug nghoid.

⁴⁴Ashe byumyu" kung: mo Imna- Ishvi- yo' Beria da" akung: ako' yi nghoid.

⁴⁵Hebera yo' Malkhiela akung: ako'' mo mo, gi Beria mo byo: gyoo" loo mo, nghoid.

⁴⁶Ashe moo: Sera ga: myheing da" nya: zoo: myiyi: nu" dayug nyid.

⁴⁷Hid bang: mo yuggi 53,400 yug nghoid.

⁴⁸Naphtali byumyu" kung: mo Yazela- Guni-

⁴⁹Yezera yo' Shilem da" akung: ako' yi nghoid.

⁵⁰Hid bang: mo yuggi 45,400 yug nghoid.

⁵¹Israela byumyu" yi mo yuggi dangain" gi 601,730 yug nghoid ago".

⁵²ASEING gi Moshe ri

⁵³«Mougmyid ri byumyu" kung: gyi bang: ngi bang: myoo: bang: neing: bang: khyo" cang wigi kho' gam byid: we'.

⁵⁴Mougmyid: ri me" lab khyo" kho' wigi byumyu" kung: myoo: bang: ri gyi: zi neing: bang: ri nge zi byid: we'» ga: tid.

⁵⁵

⁵⁶

⁵⁷Levi byumyu" kung: moo boo mo, gi Gershon- Kohad- Yo' Merari da" akung: ako' yi nghoid.

⁵⁸Nyangnu" da" amyed ashen yi moo Libni- Hebron- Mahli- Mushi yo' Kora ga: da" akung: ako' nu" yi bo da:. Kohad gi Amram da" nya: phoo nghoid.

⁵⁹Amram gi Levi da" myiyi: zoo: Egutu moo khu: da" Yokhebed ri lo, xo' yu da:. Nyang: gi Amram ri Arun yo' Moshe ga: da" yuggi zoo: eig yug- Miriam ga: da" myiyi: zoo: dayug ri khu: byid: da:.

⁶⁰Arun gi Nadab- Abihu- Eleaza yo' Ithama ga: da" yuggi zoo: myid: yug yo" da:.

⁶¹Nadab yo' Abihu gi ASEING ri agyeungshang: da" myi: ngei" byid: uri shid: loo" bye:.

⁶²Lhammoo" dakhyab yo' hau: tho' je gyi: da" Levi yuggi yigi 23,000 yug nghoid da:. Nyangnu" ri Israela mung" mo ce: jonu" we' abyid: too" yoomo Israela byumyu" gootu: bang: mo kho' lho: zhayhen" koid: yu ago".

⁶³He: zhayhen" gi Yerikho mo, Yodan gyid lang thei: shoid Moba jang: pa: moo: Israela byumyu" yiri Moshe yo' Eleaza koid: zi nghoid da:.

⁶⁴Hid: moo: Moshe yo' Arun Sina dain" pyoid yoo moo xang shi" lheing: kuid da" byumyu" zhayhen" moo bo da" mo, dayug we' aboo loo: nghoid ago".

⁶⁵ASEING gi nyangnu" dangain" mo, siyoo moo: shid: doem: goo" wa ga: tid wigi Yephune da" yuggi zoo: Khaleb yo' Num da" yuggi zoo: Yoshu mo lid wigi dangain" shid: shang boem ago".