Read Lashi MALAKHI 3 Bible Online

MALAKHI 3 - Lashi bible

MALAKHI 3

¹Yoem: moo" bo da" ASEING gi hid: su" ga: phug tid to" «Nga" shid re" khyoo: nyheing byid: wa nga" lagyoo: ri ngoo nhang: kaid wa. Houg: lang" nanu" sho: nyid da" ASEING gi yhoem: moo" moo nyeigdain tung" ju" ri" wa. Nanu" myang nau da" lagyoo: gi nga" dang: thang" cab ri tid fu" byid: loo wa zi nghoid.

²Nghoid loug we' nyang: ju" lo da" hau" bidnyid moo gi kha: yug yo" theung yab jo, wa lha". Nyang: thu myang lo ri hang" yo" se' dei nyid loo: wa lha". Nyang: gi thain: da" sapya: yhang: ti"- to' ri: kyeing sain da" myi: yhang: ti" nghoid nyid da:.

³Nyang: gi ngei gyeung" ri kyeing su: kyeing yhang: ti" dang: phyed loo wa zi nghoid. Ngei yo' sheing: ri nghe' kyeung yu yhang: ti" ASEING lagyoo: gi khainjung yiri kyeung loo wa zi nghoid. Hougsu" koid lang" she' ASEING jhang khyoo: deingmain" da" xoin" ri ci: re" boem wa zi nghoid.

⁴Houg: lang" Yuda yo' Yerusalem voomoo" mo mo, ASEING ri ngei" byid: da" xoin" gi goonham' mo yhang: ti" ASEING vho: ngei khyo: bue" loo wa zi nghoid.

⁵Yoem: moo" bo da" ASEING gi hidsu" ga: tid nyid «Ngoo ri dang: phyed wa shid re" nanu" da" mo, phung: gung moo thu myang loo wa. Fa" zo: yen" mo, soem" lid shoo: mo, adeing amain" khyo" jham' tang: mo, vhu" kung: yiri vhu" kung phoug" ashang" mo, coug" zoo: cougmoo" yi yo' being" voo yiri doin: zeig zoo: mo, -ngoo ri aphoug" amyang: mo, dangain" ziri vhu" zhug lho: yooboo dang: phyed wa zi nghoid.

⁶Ngoo gi ASEING Mangsoo nghoid. Khanham we' athid su: afang" su: nghoid. Yaku da" amyed ashen yi we"- nanu" gi thang sho' abain shid: doem: shi".

⁷Nanu" da" phoug" phyid" yi da" bidnyid mo zi akhid" nyid" ju" sho' nanu" gi nga" tarha" joem mo gang: lain lo" boem lho: hau: ziri acang nghoid ago". Akhid" nanu" nga" jhang khyoo: doem phug lheung: lo nghoid rigi ngoo we' nanu" shoid khyoo: lheung: loo shi" wa. Hougsu" nghoid loug we' nanu" gi «Ngoonu" khasu" se' phug lheing: loo wa» ga: myid nyid boem ago".

⁸Byu ga: zigi Mangso ziyoo ri ge lhoid yu wa la". Nanu" gi nga" ziyoo ri lhoid yu mo, nghoid boem ago". Hougsu" nghoid loug we' nanu" gi «Re" ziyoo ri ngoonu" khasu" lhoid yu lha"» ga: myid: ago". Xi: boem mo daboem yo' ung: loem jhungshug khyoo: moo lhoid zo: nyid boem ago".

⁹Nanu" damung" goin" mo nga" ziyoo ri lhoid yu nyid boem yoomo nanu" dangain" mo, atho' moo nheing" khoin" zang" boem bye:.

¹⁰Noku Yhoem: Moo" moo zoo: noem byeung" jo, wa shid re" nanu" da" xi: boem mo daboem gu: dangain" yhoem: moo" khyoo: ci: ri" we'. Ngoo ri byid: jham" yu" we'. Mougkhung: mo khoem" moo" phang kaid lho: nanu" da" tho' moo ge da" khyoo: joem dangain" ri agoin ayu: foid shoin" byid: wa afoid shoin" byid: wa ziri akhid" ngoo ri jham" yu" ge'» ga: yoem: moo" bo da" ASEING gi tid nyid.

¹¹Nanu" da" shivoo: shiloem yoo ri tung sang" jhenkhyeug joem azo: shoin' pyam nhang: wa ziyo' nanu" da" zabyid khyam: mo zabyid shi" joem ri we' amyheing shi" ri ashu: gyo" pyam nhang: wa» ga: yoem: moo" bo da" ASEING gi tid nyid.

¹²Nanu" da" moug: gi yoo" zoo: yoo" shug lho: byu nyid ge da" moug: bue" lo wigi byumyu" acang: joeb bang: gi nanu" ri «Agyid asoo: bo da" ngi: lhoo' bang: ga: myheing lo boem wa» ga: myhang: thang ASEING Mangsoo gi tid nyid.

¹³ASEING gi hidsu" tid nyid «Nanu" gi nga" khyoo: ri dang: thain: daja: khyo" tid nyid ago". Nghoid loug we' re" khyoo: ri ngoonu" citid bye: lha"» ga: myid nyid ago".

¹⁴Apyaid ato: Mangso moo" zei: nghoid loug we' ce: akyu" aboo- nyang: byid: to" da" tarha" ri cang lho: yoem: moo" bo da" ASEING Mangso shid moo khyo' nyhoem: lho: zei: so' nyid yab nghoid loug we' ce: noem jeju" boo wa lha".

¹⁵Ngoonu" myang ziyo' dakhyoo" ti" nghoid boin: mo, gi nyangnu" ngei pyo: nyid gyeing" nyang: akhyeing" ashoeb da" moo" zei: nyid mo, gi oung: doid lo" ago". Nyangnu" gi Mangsoo ri thougtheung lho: ca: yu" nyid boem nghoid loug we' yoo" zoo: yoo" shug ziyo' loid byoin lo" boem ago".

¹⁶Hau: thang: ri ASEING ri gyoug phoug" mo, nyang: cang" tid go" nyid da" dang: gi «ASEING gi shoug" gyoo: bye:- ASEING ri gyoug phau" myang: nyid mo, da" khyoo: ri Mangso shidkhoin" mo lhid" xoem" pug moo lhid" too" bye:.

¹⁷Nyangnu" gi «Nga" byumyu" yi bue" lo boem wa» ga: yoem: moo" bo ASEING tid nyid. Hau: moo" ri zei: lo da" bidnyid mo nyangnu" gi nga" byu yi bue" lo boem wa zi nghoid. Nya: phoo gi nyang: ri bo pang" su: nya: zoo: ri nheig khyeug shoomyen: ziyo' dakhyoo" ti" ngoo we' nyangnu" ri nheig khyeug shoo" myen: wa.

¹⁸Hau: lho: deing byeung" mo, yo' akhyeing" ashoeb mo, da" agyoo: moo nga" moo" zoo" ri bo pang" zei: su: yo' apang" zei: su: da" agyoo: moo adu go" khyoo: ri nga" byumyu" yigi shau" myang lo boem wa zi nghoid» ga: tid nyid.